Хуҗинтавниң юрти әнхуйда ваба тарқалди

Франсийә агентлиқиниң баян қилишичә, өткән һәптидин буян, хитайниң әнхуй өлкиси меңчең наһийисидә ваба )холера( кесәллики билән ағриған 30 бимар давалиниватиду.
Мухбиримиз вәли
2010.08.29

Хитайниң учур вастилири ' әнхуйда ваба кесәллики билән ағриған бимарларниң һечқайси өлмиди. 10 Бимар дохтурханидин чиқип кәтти, йәнә 20 бимар давамлиқ давалиниватиду. Бундақ кесәллик адәттә тазиланмиған йемәкликтин пәйда болуп туриду ' дәп баян қилди.

Дуня сәһийә тәшкилатиниң баян қилишичә, ваба юққан бимарларда җиддий ич сүрүш, қусуш, сусизлиниш аламәтлири пәйда болиду, бимарлар уштумтут хийим - хәтәргә учраш еһтималлиқи көп. Әгәр бухил кесәллик кәң тарқилип кәтсә, һәтта һаварайидиму чоң өзгүрүш пәйда қилиду.

Дуня сәһийә тәшкилатиниң хизмәтчиси клайр чагнатниң баян қилишичә, ваба кесәллики намратлиқ кесили дәпму атилиду. Бу, хәлқи намратлиққа патқан, ичидиған су тазиланмайдиған җайларда пәйда болидиған тез тақилидиған шиддәтлик кесәллик.

Мушундақ ваба кесәллики һазир хитайда пәйда болуп тарқилишқа башлап, йәнә бир қетим пүтүн инсанийәткә тәһдит салмақта, худди буниңдин бурун африқидики, афғанистандики намратлиқ басқан җайларда пәйда болуп инсанийәткә җиддий балайи - апәт кәлтүрүп өткәнгә охшаш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.