Чәтәл ахбаратлири хитайниң сичуәндики йәр тәврәш апитиниң һәқиқий әһвалини йошурғанлиқини ашкарилимақта

Мустәқиллиқ гезити бүгүн хәлқара кәчүрүм тәшкилатиниң хитайни "бултурқи сичуәндә йүз бәргән йәр тәврәш апитиниң һәқиқий әһвалини һазирға қәдәр йошурмақта," дәп әйиблигәнликини нәқил елип хәвәр бәргән болуп, хәвәрдә көрситилишичә, өткән йили - 12 майда йүз бәргән сичуән йәр тәврәш апитидә өлгән балиларниң санини хитай даирилири бир йилғичә хәлқтин һәм хәлқарадин йошуруп келиватқан болуп, әмәлийәттә апәттә өлгән өсмүр балилар 10 миңдин ашидиғанлиқи тәхмин қилиниватқан икән, ялғуз пәрзәнтидин айрилған аилиләрниң өзила 8 миңдин ашидикән.
Мухбиримиз гүлчеһрә
2009-05-05
Share

Сичуән маарип тармақлири бултур 12 - май сичуәндә йүз бәргән йәр тәврәштә қаза қилған оқуғучилар сани 6376 нәпәр дәп елан қилған иди.

Хәлқара кәчүрүм тәшкилатиниң мунасивәтлик доклатида, хитай даирилирини йәр тәврәш апитидә яриланған һәм өлгән пәрзәнтлириниң һәқ ‏ - һоқуқлирини тәләп қилғучи әрздар ата - аниларға қарита бастуруш, паракәндичилик селишни тохтитишқа чақирған, доклатта көрситилишичә, сичуән һөкүмәт даирилири, балилирини өлүм сәвәбини сүрүштүрүп һөкүмәткә барған ата ‏ - аниларниң бәзилирини үч һәптигә қәдәр қамап қойған болуп, хитай даирилири тәрипидин җинайәтчи сүпитидә қаттиқ тәқипкә елинғанларниң арисида һәтта сәккиз яшлиқ балиларму бар икән.

Доклатта әрздар ата - аниларниң сөзини нәқил кәлтүрүшигә қариғанда, йәр тәврәштә мәктәптики өлгәнләрниң көпинчиси синипларда дәрс оқуватқан оқуғучилар болуп, мәктәп мәмурий ишханисидики хадимлар һәм оқутқучилар апәттә һечқанчә зиянға учримиған.

Апәт йүз бәргәндә хитай сақчилири мәктәпләрни дәрһал қамал қилип, ата - ана вә мухбирларниң әһвал игилишини қаттиқ чәклигән иди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт