Окраинийә хитайға җасуслуқ қилған бир русийиликни қамақ җазасиға һөкүм қилди

Окраинийиниң қирим арилидики бир сот мәһкимиси пәйшәнбә күни һөкүм чиқирип, хитайға җасуслуқ қилған бир русийиликни 8 йиллиқ қамақ җазасиға һөкүм қилған.
Мухбиримиз әркин
2010-07-02
Share

Окраинийә әдлийә министирлиқиниң ашкарилишичә, мәзкур русийилик өткән йили 7 ‏- айда окраинийиниң қирим арилидики бир тәҗрибә мәйданида хитайға ахбарат топлаватқанда қолға елинған. Лекин окраинийә тәрәп хитайға җасуслуқ қилған бу русийиликниң исмини ашкарилимиди.

Окраинийә дөләт бихәтәрлик идарисиниң әскәртишичә, хитай җасуси окранийә һәрбий санаитигә мунасивәтлик техника учурлирини топлиған.  

Бу окраинийә даирилири бу йил киргәндин буян бир тәрәп қилған хитайға мунасивәтлик 2‏-җасуслуқ делоси. Окраинийә бу йил 2‏- айда хитайға җасуслуқ қилған 3 нәпәр окранийә пуқрасини җазалиған иди. Бу 3 нәпәр хитай җасуси окраинийиниң бир һәрбий айропилан ремонт завутида ишләйдиған хадимлар болуп, улар русийидә ясалған су ‏-27 бәлгилик уруш айропиланиниң чертйожини копийә қиливатқанда қолға елинған иди. Хәвәрләргә қариғанда, хитай бихәтәрлик министирлиқи бу 3 нәпәр окранийиликкә 800 миң доллар беришкә вәдә қилған.

Һәрбий анализчиларниң әскәртишичә, хитай русийидин сетивалған бәзи қорал - ярақларниң запчиси окраинийидә ишләпчиқирилидиған болуп, шу сәвәбтин хитай окраинийә һәрбий санаитигә қизиқидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт