Xongkong ma'aripi, dölet siyasiy terbiye derslikini yolgha qoyushni kéchiktürdi

Buning sewebi heqqide mekteplerni bundaq bir derslikke adetlendürüsh üchün belgilik teyyarliq waqti kéreklikini ilgiri sürgen. Melum bolushiche, xitayning “Dölet terbiyisi” nami astida yolgha qoymaqchi bolghan, siyasiy terbiyisi köpligen xongkong ma'aripchiliri teripidin, ménge yuyush siyasiti dep qaralghan we ular ma'aripning siyasiylashturulushigha qarshi tenqid we teklip pikirlirini otturigha qoyushqan.

Ötken yili xongkong oqutquchilar jem'iyiti xongkong hökümitini xitay merkizi hökümitining xongkong ma'aripigha siyasetni arilashturushigha yol qoymasliqqa chaqirghan. Xongkong ma'arip komitéti bu heqtiki uqturushida, atalmish dölet terbiyisining, xongkong ewladliri üchün paydiliq ikenlikini, lékin uni yolgha qoyushning hazir waqti emeslikini eskertken.

Fransiye axbarat agéntliqining bu heqtiki xewiride bildürüshiche, eslidiki pilanda, xongkongdiki mekteplerde yiligha 50 sa'et, yeni heptisige bir sa'et siyasiy terbiye dersi teshebbus qilin'ghan. Derslikte yash-ösmürlerning junggo puqrasi éngini kücheytish meqset qilin'ghan.