Мәзлумлар әркинлики үчүн йүрүш тәшкилати 28-декабир хотән вәқәси һәққидә баянат елан қилди

Мәркизи явропадики мәзлумлар әркинлики үчүн йүрүш тәшкилати, 2011-йили йил ахирида йүз бәргән 28-декабир хотән мукуйла вәқәсидә, етип ташланған 7 нәпәр уйғур һәққидә баянат елан қилди.
Мухбиримиз меһрибан
2012.01.24

Баянатта хитай сақчи даирилириниң 2011-йил 28-декабир күни хотәнниң мукуйла йезисидин диний етиқад әркинлики үчүн чеградин қечишқа мәҗбур болған уйғур деһқанлириға оқ чиқирип, улардин 7 кишини етип өлтүргәнлики вәқәси һәққидә тохтилип, вәқәдә2 нәпәр аялниң етип өлтүрүлгәнлики һәм нарәсидә балиларниңму сақчиларниң оқида яридар қилинғанлиқи әйибләнди.

Мәзлумлар әркинлики үчүн йүрүш тәшкилати, хәлқарадики зулумға учриған хәлқ һәм езилгән милләтләрниң әһвали һәққидә доклат тәйярлайдиған тәшкилат болуп, тәшкилатиниң толуқ исми4-нөвәтлик хәлқара зулумға учриған хәлқләр һәм езилгән милләтләр әркинлики үчүн йүрүш тәшкилати болуп, явропадики берлин, париж, рим, лондон қатарлиқ шәһәрләрдә бу тәшкилатниң иш беҗириш ишханилири бар.

Йеқиндин буян бу тәшкилат өзиниң тор бекитидә хитайдики диний етиқад әркинлики һәм кишилик һоқуқи дәпсәндә қилиниватқан уйғур, тибәт қатарлиқ милләтләр һәққидә көплигән доклат һәм баянатларни елан қилип, хәлқара җәмийәтни хитайдики езиливатқан аз санлиқ милләтләр мәсилисигә көңүл бөлүшкә чақирмақта.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.