18‏-Iyul xoten weqesini téximu köp uchur wasitiliri xewer qildi

Dunyadiki eng chong uchur wasitiliri bügün, xotende yüz bergen Uyghurlarning xitay saqchixanisigha hujum qilish weqesini bash betliride xewer qildi.
Muxbirimiz weli
2011-07-20
Share

Roytrs agéntliqi béyjingdin yollighan xewiride, xitay da'iriliri bügün, xoten shehiride yüz bergen saqchixanigha hujum qilish weqeside öltürülgen adem sanini, tünügün élan qilghan san'gha 4 ni qoshup 18 dep élan qildi dep bayan qildi. Istratégiye jehettin xitayning janijan menpe'itige taqilidighan shinjang hazir yene bir chong dawalghush ichide qaldi, Uyghurlarning qarshiliq heriketliri hazir yéngiche shekilde dawamlishiwatidu dep körsetti.

Birleshme agéntliqining béyjingdin yollighan xewiride, xitay hökümiti bügün, xotende yüz bergen saqchigha hujum qilish weqesini diniy radikal guruppilar teshkilligen, ularning ademliri bizdin ikki kün baldur xoten'ge kirip bolghan dep jakarlidi, emma téxiche uning tepsilatini otturigha qoyalmidi dep bayan qildi.

Bügün fransiye agéntliqi, amérika awazi qatarliq uchur wasitilirimu, Uyghurlar xotende xitay saqchixanisigha hujum qilghan weqe heqqide, ikki kündin buyan xitay uchur wasitiliri özi élan qiliwatqan delili, ispatsiz, tepsilati yoshurulghan uchurlardiki perqlerni körsitidighan maqalilerni élan qildi we Uyghurlar bilen xitay hökümiti otturisidiki toqunushlarning barghanséri jiddiyliship kétiwatqanliqini körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet