Yemen prézidénti salih hoquq tapshurushqa raziliq bildürdi

Yemendiki uzun'gha sozulghan namayishlar we pars qoltuq döletliri guruhining qet'iy telipi astida prézidént aliy abdulla salih öz hoquqini tapshurushqa raziliq bildürdi.
Muxbirimiz ümidwar
2011.04.24

B b s agéntliqining xewer qilishiche, prézidént aliy abdullah salihning bayanatchisi salih we hakimiyet yürgüzüwatqan partiyining qoltuq döletlirining yemenning siyasiy krizisini hel qilish layihisini qobul qilghanliqini bildürgen.

Yemendiki öktichilik heriketliri ikki aydin buyan dawamlishiwatqan bolup, bu jeryanda 120 adem hayatidin ayrilghan.

Shundaq bolushigha qarimay, yemen öktichilirining qet'iy tewrenmey salihning wezipisidin istépa bérishini telep qilishni dawamlashturghan bolup, ilgiri salih özining bir yil ichide wezipisidin qalidighanliqini bildürgen idi.

Qoltuq döletlirining layihisi boyiche alghanda, prézidént salih öktichiler bilen kélishimge imza qoyup, bir ay ichide öz wezipisini uning mu'awinigha tapshurushi kérek, buning üchün prézidént üstidin erz qilish emeldin qaldurulidu.

Yemen öktichi rehberliri salihning hoquq tapshurushqa razi bolghanliqini qarshi alidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.