Җаң чүншйән, 5 - июл күни коча вә базар арилап, үрүмчи аһалилиридин әһвал игәллигән

Шинҗаң гезитиниң хәвәр қилишичә, уйғур райониниң партком секритари җаң чүншйән түнүгүн чүштин бүрүн үрүмчи шәһиридә йәрлик аһалиләр олтурақлашқан коча вә базарларни зиярәт қилип, аһалиләрдин нөвәттики вәзийәт һәққидә мәлумат игилигән.
Мухбиримиз шөһрәт һошур
2010.07.06

У бу җәрянда, тәңритағ райониниң мивә - чивә, қақ базиридики юнус вә литип исимлик икки уйғур дукандарниң дукинини зиярәт қилип, улардин сода - сетиқ әһвали вә әтрапниң муқимлиқ әһвали һәққидә пикир алған. Җаң чүншйән йәнә шявшимен базиридики хитай тиҗарәтчилириниму йоқлиған. Әмма у 5 - июл вәқәсидин кейин сәзгүр районлар дәп аталған дөңкөврүк базири вә ат бәйгә мәйдани қатарлиқ җайларға өтмигән. 5 - Июл вә униңдин кейинки вәқәләрдә үрүмчидики һәр икки милләтниң пуқралири арисида өлүш вә ярилиниш шундақла мал - бисатиға от қоюш һадисилири көрүлгән. Әмма, хитай һөкүмити хитай тәрәптин өлгүчиләрниң аилисигә 400 миң йүәндин қутқузуш пули бәргән вә мал - варанлириниң зийинини төләп бәргән. Бирақ, 7 - июл дуканлири зиянға учриған уйғурларға бесим ишлитип һечқандақ төләм бәрмигән.

Уйғур көзәткүчиләр җаң чүншйәнниң әмәлий мәсилиләрни һәл қилиштин өзини тартип, шәкливазлиқ арқилиқ амминиң райини қазинишқа урунуватқанлиқини оттуриға қоймақта.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.