Хитай сақчилири уйғурларни террор гумандарлири дәп етип өлтүрди

 Сақчи тәрәп, бу йил 1 ‏ - айдин 6 ‏ - айғичә 5 террорлуқ гурупписини бит‏ - чит қилғанлиқини, террор гумандаридин 82 ини қолға чүшүргәнликини елан қилип, уруш мәшиқи елип бериш орнидин 41 ни йоқатқанлиқини, буниңдин башқа, булаңчилар гуруһидин 51 ни вә уларниң әзалиридин 217 нәпирини қолға чүшүргәнликини билдүрди.

8 ‏ - Июл күни 5 нәпәр уйғурни террор гумандари дәп етип өлтүргәнлики вә һуҗум қилиш җәрянида 15 нәпәр җинайәтчини қолға алғанлиқини билдүргән сақчи тармақлири йәнә, уйғур террорчиларниң йолучилар айрупиланиға һуҗум қилмақчи болғанлиқи шуниңдәк олимпик мәзгилидә тәнтәрбийичиләрни гөрүгә алмақчи болған пиланлирини алдин сезип, уларни бит ‏ - чит қилғанлиқини билдүргән.

Хитай һөкүмитиниң, гунаһсиз уйғур яшлириға террор қалпиқини кийдүрүп бастуруш елип бериватқанлиқини оттуриға қоюватқан уйғур кишилик һоқуқ тәшкилатлири, уйғурларниң террорлуқ һәрикити билән һечқандақ алақисиниң йоқлуқини, бирақ хитай һөкүмитиниң " террорчилиққа зәрбә бериш күриши " дин пайдилинип, уйғурларға биргә җәм болуп өз ‏ - ара сөһбәтлишиш пурситиниму бәрмәйватқанлиқини илгири сүрди.

Уйғур тәшкилатлириниң билдүрүшичә, хитай сақчилири тәрипидин 8 ‏ - июл күни террор гумандари дәп етип өлтүрүлгән уйғур яшлири, әслидә бир ариға җәм болуп диний сөһбәт елип бериватқан гунаһсиз яшлар икән.