Хитай даирилири қәшқәрдики хитай чегра мудапиә қисиминиң һуҗумға учраш әһвали һәққидә ахбарат елан қилди

  Хитай ахбаратлирида көрситишичә, 4 - авғуст күни хитай чегра мудапиә қисиминиң әскәрлири әттигәнлик мәшқ җәрянида 28 вә 33 яштики икки нәпәр уйғур яшниң туюқсиз һуҗумға учрап, һуҗумда 16 нәпәр әскәр өлгән, 16си яриланған.

Хитай даирилири вәқәниң характерини зораванлиқ һуҗум дәп атиған болуп һуҗум қилғучи икки нәпәр қәшқәрлик уйғур, һуҗумни пиланлиқ елип барған, улар оғриланған бир йүк аптомобили билән мәшқ қиливатқан әскәрләрниң арқисидин һуҗум қилған, буниң билән бир вақитта икки партлатқуч партлиған. Вәқәдин кейин икки уйғур яш яриланған һаләттә қолға елинған.

Сақчи даирилири нәқ мәйдан тәкшүрүшидә йәнә тоққуз данә йәрлик усулда ясалған бомба вә қолда ясалған милтиқ қатарлиқларни тапқан. Хитай даирилири гәрчә мәзкүр вәқәниң характерини зораванлиқ һуҗум дегән болсиму, йәнила вәқәдә тепилған қоралларниң 2007 - йили 1 - айда косирапта паш болған шәрқий түркистан террор тәшкилатиниң ишләткән қораллири билән охшашлиқини тәкитлимәктә.

Игилишимизчә, қәшқәрдә йүз бәргән 4 - авғуст вәқәсидин кейин, хитай даирилири қәшқәрдә, кочиларни қамал қилиш, адәм тутуш қатарлиқ алаһидә җиддий тәдбирләрни қоллинип, қәшқәрниң вәзийитини йәниму җиддий һаләткә елип киргән.