Адәмләр

Ихтиярий мухбиримиз азад
2013-10-19
Share

Ялмавуздәк ялмашқа етилмаңлар адәмләр,
Төт путлуқлар топиға қетилмаңлар адәмләр.
Виҗдан демәк җан демәк, ғурур демәк қан демәк,
Кимла алай дәп қойса сетилмаңлар адәмләр.

Җаһан узун һәр кимниң бешида бар еғир күн,
Қайғусидин бир кимниң ечилмаңлар адәмләр.
Тузақ қоюп ғолларға, хәндәк оюп йолларға,
Тикән болуп тапанға қеқилмаңлар адәмләр.

Нәсчиликниң һарвиси көрәлмәслик, мәрәзлик,
Һарвисиға нәсликниң қетилмаңлар адәмләр.
Қәдирданлиқ, инақлиқ саадәтниң аниси,
Худди буғдай, териқтәк чечилмаңлар адәмләр.

Кәчмиш қилар тәвәллут әқил, ибрәт, даналиқ,
Коза болуп һәр күни чеқилмаңлар адәмләр.
Яхшилиқтин әл күләр, изгүлүктин җан күләр,
Рәзилликкә, пәсликкә четилмаңлар адәмләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт