«ئۇيغۇر كوچىسى» ۋە چەكلەنگەن ئەسەرلەر

ئەسسالامۇئەلەيكۇم، ھۆرمەتلىك رادىئو ئاڭلىغۇچى دوستلار! ياخشىمۇ سىلەر؟ بۇ ھەپتىلىك «يورۇق ساھىللار» سەھىپىسىدە سىلەر بىلەن قايتا يۈز كۆرۈشكەنلىكىمىز ئۈچۈن ئىنتايىن خۇشالمىز. ھەممەيلەننىڭ دەم ئېلىش كۈنلىرىنى خۇشال ئۆتكۈزۈشىگە چىن يۈرەكتىن تىلەكداشمىز! ھۆرمەتلىك رادىئو ئاڭلىغۇچىلار! بۈگۈنكى سەھىپىمىزدە سىلەرگە ئالدى بىلەن، «يىلتىزى» ئىسىملىك بىر شائىرىمىز قەلەمگە ئالغان «ئۇيغۇر كوچىسى» ۋە «ئۇيغۇر ئۆيلىرى» ناملىق مۇخەممەسنى ئاڭلىتىمىز. ئاندىن پىدائىي تەييارلىغان «تەكلىپ قىلماڭلار» ناملىق شېئىرنى ئاخىرىدا، «چەكلەنگەن ئەسەرلەر» سەھىپىمىز بويىچە، سۆيۈنگۈل جانىشىف خانىمنىڭ: «كۆز يېشىدا نەملەنگەن زېمىن» ناملىق ئەسىرىنىڭ داۋامىنى ئاڭلايسىلەر.
مۇخبىرىمىز جۈمە
2012-03-31
Share
qeshqer-kochisi-305.png قەشقەردىكى بىر قەدىمىي كۆچىدىن بىر كۆرۈنۈش
AFP

ئەسىرلەردىن بېرى ئۇيغۇر خەلقىنىڭ ئەجرى سىڭگەن، ئۇستا سەنئەتكارلارنىڭ ھۈنەرۋەن - چېۋەر قوللىرى بىلەن پۈتۈپ چىققان، گويا چۆچەكلەردىكى ئىرەم باغلاردەك يېقىملىق، خان سارايلىرىدەك سىرلىق قەدىمىي ئۇيغۇر كوچىلىرى، رەستە - بازارلىرى، باغۇ - بوستانلىرى تارىخىي يادىكارلىقلىرىنىڭ نامايەندىلىرى، مەدەنىيىتىنىڭ جانلىق ئوبرازى سۈپىتىدە ساقلىنىپ كېلىۋاتاتتى. ئەمما ئۇيغۇرلارنىڭ بۇ تارىخىي يادنامىلىرى يېقىنقى يىللاردىن بۇيان خۇددى قەدىمىي مىڭ ئۆي، يارغول ۋە قىزىل مىڭ ئۆيدەك قىسمەتلەرگە دۇچار بولماقتا.

مانا بۇ ئاچچىق ھەقىقەتكە چىداپ تۇرالمىغان «يىلتىزى» ئىسىملىك شائىر قولىغا قەلەم ئېلىپ، ئەجداد مىراسى قەدىمىي ئۇيغۇر كوچىلىرىغا بولغان مېھرى - مۇھەببىتىنى، مۇڭلۇق قەلب كۈيىگە يوشۇرۇنغان غەزەپلىك ئاھۇ - زارلىرىنى ئۆزىنىڭ ئوتلۇق مىسرالىرى ئارقىلىق تولۇق ئىپادىلەپ بەرگەن. ئەمىسە، ھەممەيلەن بۇ مۇخەممەستىن بىرلىكتە بەھر ئالايلى.

Anonymous says:
Apr 01, 2012 04:33 AM

بۇ پىراگىراممىنىڭ ئاڭلاش ۋە كۇچۇرۇش ئىقتىدارى يوقمۇ؟

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت