Гвәнтанамодин қайтқанда: абабәкри қасимниң бешидин кәчүргәнлири - 6

Абабәкри қатарлиқ 22 нәпәр уйғур яш гвәнтанамо түрмисигә елип келинип узақ өтмәйла хитай тәрәп әвәткән сорақчилар бу йәрдә пәйда болиду. Бу иш бу йәрдики уйғур тутқунларниң тәсәввуриға задила сиғмайду. Хитай тәрәпниң сорақчилири уйғур тутқунларни бир - бирләп чақиртип сорақ қилған болсиму, лекин өзлири истигән нәрсиләргә еришәлмәйду. Көпинчә уйғурлар һәтта уларниң соаллириға җаваб беришниму рәт қилиду.

Хитай сорақчилири абабәкри қатарлиқ уйғур яшлириға очуқ - ашкара тәһдит салиду. Улар: “сәнләр бүгүн бизгә еғиз ачмиғиниңлар билән, бейҗиңға елип берилғиниңларда бәрибир еғиз ачисиләр. Һазир америка еғир иқтисадий кризис ичидә туруватиду. Улар силәрни бақалмастин өзлири бизгә хәвәр бәрди. Шуңа биз бу йәргә кәлдуқ. Тәқдириңлар йәнила бизниң қолимизда. Һазир ипадәңлар яхши болмиса, биз силәрни җуңгоға елип барғандин кейин көридиған күнүңлар бар техи!...” дәп тәһдит қилиду.

Абабәкри қатарлиқ уйғур яшлар көңли ғәш һалда сорақтин қайтип чиқиду. Узун өтмәйла хитай сорақчилириму гвәнтанамо түрмисидин ғайиб болиду. Түрмә һаяти бурунқидәкла давам қилиду. Улар өзлириниң намәлум келәчикини күтүп вақит ритимини бир күн бир күндин хоритиду…

(Давами бар)