Teklimakanni quchaqlap: merhum küresh kösenning hayatidin eslimiler - 15

Ixtiyariy muxbirimiz aygül yüsüf
2013.10.12
kuresh-kosen-rabiye-qadir-305.png Merhum küresh kösen rabiye qadir xanim bilen bille (2005-yil iyul)
RFA/Qutlan

2003 - Yili yazdin taki 2006 - yili kechküzgiche bolghan 3 yil merhum küresh kösenning muhajiret hayatidiki eng mezmunluq yillar boldi. Weten üchün soqqan yüriki uni bir künmu aramigha qoymidi. U hayatining eng axirqi yillirida tinimsiz ishlidi, izdendi, weten ishqi bilen sughurulghan yalqunluq naxsha - muzikilarni ijat qildi, shuning bilen birge shiwétsiye Uyghurlirining birlikke kelgen teshkilati - shiwétsiye Uyghur komitétini qurup chiqti.

Uning özgiche temge we qoyuq milliy puraqqa ige naxsha - muzikiliri medeniyetler chégrasini bösüp ötüp skandinawiye elliridiki xelqlerning yaqturup anglishigha sazawer boldi. U bir tereptin özi yétekchilik qilghan shiwétsiye Uyghur komitétining türlük pa'aliyetliri arqiliq Uyghurlarning weten dewasini anglatsa, yene bir tereptin özining sen'et talanti arqiliq shiwétsiyede nahayiti tézla közge körünüp Uyghur xelqini hem tonutti.

Merhum küresh kösenning ish-izliri shiwétsiye gézitliride tonushturuldi
Merhum küresh kösenning ish-izliri shiwétsiye gézitliride tonushturuldi

Halbuki, teqdir küresh kösenning a'ilisige külüp baqmidi. Uning chet'eldiki sersan hayatta dunyagha kelgen, héchqandaq dölet teweliki bolmighan oghli bilen shiwétsiyede jem bolush jeryani qanchilik müshkülatlargha tolghan bolsa, teqdirning achchiq chaqchiqi tüpeyli atlantik okyanning ikki teripige ayrilip ketken singlisi munewwer xanim bilen jem bolushimu shunchilik qiyin'gha toxtidi. Bu hal taki 2006 - yili küresh kösen wapat bolushtin birqanche ay burunqi waqitqa qeder dawamlashti. Bu jeryanda munewwer xanim küresh kösenning chet'eldiki birdin - bir tughqini hem köyümchan qérindishi bolush süpiti bilen akisigha rohiy hemrah bolup keldi.

Undaqta, déngiz dolqunidek dawalghup turghan ashu yillarda hayatining eng axirqi sehipisini weten ishqi bilen toldurghan merhum küresh kösen heqqide singlisi munewwer xanim némilerni esleydu!? bu tepsilatlargha qiziqsingiz programmimizning 15 - qismigha qulaq salghaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.