នៅក្នុងសេចក្ដីប្រកាសព័ត៌មាន ចុះថ្ងៃទី៣០ មិថុនា ស្ដីពីការផ្សព្វផ្សាយរបាយការណ៍សំយោគទី២០ របស់គម្រោងឈ្មោះ «រោងចក្រកាន់តែប្រសើរនៅកម្ពុជា» អង្គការ ILO បានឲ្យដឹងថា តាមការពិនិត្យឃ្លាំមើល ដែលបានធ្វើឡើងចាប់ពីថ្ងៃទី១ វិច្ឆិកា ឆ្នាំ២០០៧ រហូតដល់ថ្ងៃ៣០ មេសា ឆ្នាំ២០០៨ ទៅលើរោងចក្រចំនួន ២០០ រោងចក្រ គេរកឃើញថា មានកម្មករនិងនិយោជិតជាង ៣៥០.០០០នាក់ ដែលទិន្នន័យនេះ ត្រូវបានផ្ដល់ឲ្យដោយក្រសួងពាណិជ្ជកម្ម ។
អង្គការ ILO បានឲ្យដឹងទៀតថា គេពុំឃើញមានកម្មករនិយោជិតមិនទាន់គ្រប់អាយុនោះទេ ហើយថា ៧៩%នៃរោងចក្រទាំងនោះ សុទ្ធតែមានសហជីព យ៉ាងតិចចំនួនមួយ ។
តាមរបាយការណ៍បានឲ្យដឹងទៀតថា ១៤% នៃរោងចក្រទាំងអស់នោះ មានបញ្ហាកូដកម្មបានកើតឡើង ៕