អមព្រះរាជដំណើរដល់អាកាសយានដ្ឋានអន្តរជាតិភ្នំពេញ មានឥស្សរជនសំខាន់ៗជាច្រើនរូប។ ក្នុងនោះមានលោកនាយករដ្ឋមន្ត្រី ហ៊ុន សែន និងមន្ត្រជាន់ខ្ពស់ជាច្រើនរូប រួមទាំងព្រះរាជវង្សានុវង្សមួយចំនួនទៀត។
ទាក់ទងនឹងព្រះរាជដំណើររបស់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី នេះ ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សាអមព្រះរាជខុទ្ទកាល័យព្រះមហាក្សត្រ មានបន្ទូលថា ព្រះមហាក្សត្រយាងទៅប្រទេសចិនលើកនេះ គឺព្រះអង្គយាងទៅដើម្បីពិនិត្យព្រះរាជសុខភាពជារៀងរាល់បីខែម្ដង។ មួយវិញទៀត ព្រះករុណានឹងចូលបង្គំគាល់ព្រះរាជបិតា និងព្រះរាជមាតារបស់ព្រះអង្គ។
ព្រះអង្គម្ចាស់ ធម្មិកោ មានបន្ទូលបន្តថា ព្រះមហាក្សត្រអាចនឹងយាងត្រឡប់មកកម្ពុជាវិញ ក្នុងរយៈពេលប្រហែលកន្លះខែក្រោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។