លោក នេត្រ ភក្រ្តា អ្នកនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជា មានប្រសាសន៍ប្រាប់វិទ្យុអាស៊ីសេរីកាលពីរាត្រីថ្ងៃអាទិត្យថា ប្រទេសផ្ដល់ជំនួយបានពិនិត្យសំណើ ហើយយល់ស្របថា ដូចជាសមរម្យ ៖ “...យើងបានទទួលដំណឹងល្អដោយសារថា ប្រទេសម្ចាស់ជំនួយបានយល់ព្រមទៅលើគម្រោងថវិកាដែលស្នើឡើងសម្រាប់ឆ្នាំ២០១២ និង២០១៣ ដែលសុំជាទឹកប្រាក់ ៨៩លានដុល្លារ សម្រាប់រយៈពេលពីរឆ្នាំ សម្រាប់ដំណើរការសកម្មភាពរបស់ខ្លួន។ ហើយនេះជាការយល់ព្រមជាគោលការណ៍នៅក្នុងកិច្ចប្រជុំមួយ រវាងដែលគេហៅថា គណៈកម្មការនៃប្រទេសគន្លឹះផ្ដល់ជំនួយដល់សាលាក្ដីខ្មែរក្រហម ដែលមានប្រទេសបារាំង ប្រទេសជប៉ុន ប្រទេសអង់គ្លេស ប្រទេសអាល្លឺម៉ង់ ជាដើម។ គម្រោងថវិកានេះ គឺបានដាក់ចូលទៅក្នុងកិច្ចប្រជុំប្រទេសម្ចាស់ជំនួយប្រមាណ២០ ក្នុងនោះមានប្រទេសមួយចំនួន បានសន្យាថានឹងជួយដល់សាលាក្ដីតទៅទៀត។"
សាលាក្ដីខ្មែរក្រហមបានជួបប្រទះនឹងការខ្វះថវិកាជាច្រើនខែមកហើយ ជាពិសេសសម្រាប់បៀវត្សរបស់មន្ត្រី និងបុគ្គលិកគ្រប់ផ្នែក ដែលបម្រើការក្នុងសាលាក្ដីនេះ។
លោក នេត្រ ភក្រ្តា បានបង្ហាញអំពីក្ដីសង្ឃឹមច្រើនថា ម្ចាស់ជំនួយនឹងជួយបញ្ចេញថវិកាដល់សាលាក្ដីបានឆាប់រហ័ស ដើម្បីរំលែកបន្ទុករបស់មន្ត្រីរាជការខាងភាគីជាតិ ដែលអ្នកខ្លះមិនបានទទួលប្រាក់ខែកន្លងមក ៖ “...ក្នុងសាលាក្ដីខ្មែរក្រហមយើងនេះ បច្ចុប្បន្នជួបនឹងកង្វះសាច់ប្រាក់បើកប្រាក់ខែជូនមន្ត្រី បុគ្គលិក និងចៅក្រមដែលបម្រើការនៅក្នុងសាលាក្ដី។ សម្រាប់ចៅក្រម ព្រះរាជអាជ្ញា និងក្រុមមន្ត្រីផ្នែកច្បាប់ក្នុងការិយាល័យរបស់ពួកគាត់ហ្នឹង គឺមិនបានទទួលបៀវត្សតាំងពីខែតុលាមកម្ល៉េះ ហើយសម្រាប់បុគ្គលិកទូទៅ ខាងផ្នែកសាធារណៈ ខាងផ្នែករដ្ឋបាល ផ្នែកគ្រប់គ្រងតុលាការ អ្នកបើកបរ អ្នកបោសសំអាតអ្វីផ្សេងៗនោះ គាត់មិនបានទទួលបៀវត្សតាំងពីខែមករា ហើយខែកុម្ភៈនេះ ក៏មិនទាន់បានដែរ ហើយមិនទាន់រំពឹងបើការិយាធិបតេយ្យវាច្រើនពេក ហើយការផ្ទរប្រាក់មានការយឺតយ៉ាវ។ ខែមីនានេះក៏មិនទាន់ដឹងថាអាចទទួលបានប្រាក់បៀវត្សដែរ៕"
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។
I am praying everyday for Extraordinary Chambers in the Courts of Cambodia be able to recieve more money from key donor countries. I'm also worrying everyday that the Cambodian government politic meddling could deter the ECCC from doing its job in order to obtain justices for the Khmer Rouge's victims.
Feb 27, 2012 11:10 PM
នេះជាឱកាសមួយដ៍ប្រសើរសម្រាប់បង្ហាញអំពីទឹកចិត្តស្មោះ
ស;ស្រឡាញ់ខ្មែរដោយសុទ្ធចិត្តរបស់លោកហ៊ុន សែន;
លោកជា ស៊ីមនិងលោកហេង សំរិនដោយបើកកាបូប
លុយផ្ទាល់ខ្លួនផ្ដល់ទៅផ្នែកតុលាការខ្មែរក្រហម ដើម្បី
ឱ្យមានដំណើរការទៅមុខទៀត។
Feb 27, 2012 05:11 PM
We know many poor countries beg Western nations for help. But begging in Cambodia has become part of Khmer culture. Government officials from petty military officers and judges to the prime minister seem to enjoy begging and bragging about their skills when they receive the handouts. They should start feeling shames and start building a nation that make sense and with dignity. The most shame those officials should have is that they drive a Mercedes to receive aids while the donors drive a cheap rusted Japanese Toyota Corolla to bring aids.
Feb 27, 2012 03:03 PM
អូសបន្លាយអោយបានយូរទៅកាន់តែល្អ អ្នកជាប់ចោទនឹងស្លាប់អស់ ហើយលោកដើរស្មូមលុយគេរាល់ឆ្នាំ។
Feb 27, 2012 01:09 PM
