ចាងហ្វាង​កាសែត​ខ្មែរ​អមតៈ​យល់​ព្រម​ធ្វើ​ការ​កែ​តម្រូវ

ចាងហ្វាង​កាសែត ខ្មែរ​អមតៈ ដែល​រង​ការ​ប្ដឹង​ពី​​នាយក​សាកល​វិទ្យាល័យ​កម្ពុជា បាន​យល់​ព្រម​ធ្វើ​ការ​កែ​តម្រូវ និង​សុំ​ទោស ចំពោះ​អ្វី​ដែល​បាន​ចុះ​ផ្សាយ​កន្លង​មក។
ដោយ សុខ សេរី
2010-07-20
Share
កាសែត ខ្មែរ​អមតៈ ៣០៥ កាសែត ខ្មែរ​អមតៈ
RFA/Sok Serey

ចាងហ្វាង​កាសែត ខ្មែរ​អមតៈ លោក ប៊ុន ថា ដែល​កំពុង​តែ​រង​ការ​ប្ដឹង​ក្រោម​បទ​ផ្សាយ​ព័ត៌មាន​មិន​ពិត និង​បរិហារ​កេរ្តិ៍ ដោយ​មន្ត្រី​ជាន់​ខ្ពស់​រដ្ឋាភិបាល​នោះ បាន​ឲ្យ​ដឹង​ថា លោក​យល់ព្រម​ធ្វើ​ការ​កែ​តម្រូវ និង​សុំ​ទោស​ចំពោះ​អ្វី​ដែល​បាន​ចុះ​ផ្សាយ​កន្លង​មក ប៉ុន្តែ​លោក​សុំ​ឲ្យ​មន្ត្រី​រដ្ឋាភិបាល​ជា​ដើម​ប្ដឹង​នេះ​ដក​ពាក្យ​បណ្ដឹង​វិញ​ឲ្យ​បាន​ឆាប់​ៗ នៅ​គ្រា​ដែល​តុលាការ​ក្រុង​ភ្នំពេញ​មាន​ផែនការ​កាត់​ទោស​លោក​នៅ​ថ្ងៃ​ទី​៣ សីហា​ខាង​មុខ​នេះ។

នៅ​ស្រប​ពេល​នេះ​ដែរ ចាងហ្វាង​កាសែត ខ្មែរ​អមតៈ កំពុង​តែ​ស្វែងរក​កិច្ច​អន្តរាគមន៍​នានា​ពី​រដ្ឋមន្ត្រី​ក្រសួង​ព័ត៌មាន លោក ខៀវ កាញារីទ្ធ ដើម្បី​ស្នើសុំ​ឲ្យ​ដើម​បណ្ដឹង​ដក​ពាក្យ​បណ្ដឹង​ពី​តុលាការ​វិញ។

ដើម​បណ្ដឹង​នៃ​សំណុំរឿង​នេះ គេ​ស្គាល់​ថា គឺ​លោក កៅ គឹមហួន ជា​រដ្ឋលេខាធិការ​ក្រសួង​ការ​បរទេស​កម្ពុជា និង​ជា​នាយក​នៃ​សាកល​វិទ្យាល័យ​កម្ពុជា​នៅ​ក្នុង​ទីក្រុង​ភ្នំពេញ គឺ​បាន​ប្ដឹង លោក ប៊ុន ថា តាម​មាត្រា​ទី​១០ នៃ​ច្បាប់​របប​សារព័ត៌មាន និង​មាត្រា​ទី​៦៣ នៃ​ច្បាប់​ព្រហ្មទណ្ឌ​អន្តរកាល​សម័យ​អ៊ុនតាក់៕

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល