សហជីព​ទាមទារ​ឲ្យ​ដក​តំណែង​មន្ត្រី​ទាក់ទង​នឹង​ការ​បាញ់​កម្មករ​នៅ​ស្វាយរៀង

សហជីព​កម្មករ​ទាមទារ​អោយ​​រដ្ឋមន្ត្រី​ក្រសួង​មហាផ្ទៃ និង​ក្រសួង​ការងារ ដក​តំណែង និង​ដាក់​ទណ្ឌកម្ម​មន្ត្រី​​មួយ​ចំនួន​ពាក់ព័ន្ធ​​នឹង​ហេតុការណ៍​បាញ់​ប្រហារ​កម្មករ​នៅ​ក្រុង​បាវិត ក្នុង​ខេត្ត​ស្វាយរៀង។
ដោយ សុ ជីវី
2012-02-28
Share
កម្មករ ស្វាយរៀង ៣០៥ ២០-កុម្ភៈ-២០១២៖ កម្មការិនី​ដែល​ត្រូវ​ជន​មិន​ស្គាល់​មុខ​បាញ់​ក្នុង​ពេល​កំពុង​តវ៉ា សម្រាក​ព្យាបាល​របួស​នៅ​មន្ទីរពេទ្យ​ខេត្ត​ស្វាយរៀង។
Adhoc Photo

សហជីព​កម្មករ និង​សមាគម​ធំៗ​ចំនួន ៦ ដែល​ជា​សមាជិក​របស់​សភាព​សហជីព​កម្ពុជា ដឹក​នាំ​ដោយ​លោក រ៉ុង ឈុន បាន​សរសេរ​លិខិត​មួយ​ច្បាប់​ជូន​លោក ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួង​មហាផ្ទៃ និង​លោក វង សូត រដ្ឋមន្ត្រី​ក្រសួង​ការងារ និង​បណ្តុះបណ្តាល​វិជ្ជាជីវៈ។ ក្នុង​ខ្លឹម​សារ​លិខិត​នោះ គឺ​ស្នើ​បញ្ឈប់​តំណែង​ស្នងការ​នគរបាល ប្រធាន​កងរាជ​អាវុធហត្ថ និង​ប្រធាន​មន្ទីរ​ការងារ​ខេត្ត​ស្វាយរៀង។

ទាក់​ទិន​នឹង​ករណី​នេះ រដ្ឋមន្ត្រី​ក្រសួង​មហាផ្ទៃ លោក ស ខេង បាន​ថ្លែង​ប្រាប់​អ្នក​កាសែត​នៅ​ក្នុង​សិក្ខាសាលា​ក្នុង​ក្រប​ខណ្ឌ​អាស៊ាន-​ជប៉ុន ស្ដីពី​គំនិត​ផ្ដួចផ្ដើម​របស់​អាស៊ាន​អំពី​ការ​គ្រប់​គ្រង​ផ្លូវ​ទន្លេ នៅ​ព្រឹក​ថ្ងៃ​ទី​២៧ ខែ​កុម្ភៈ ថា មក​ដល់​ពេល​នេះ​អាជ្ញាធរ​សមត្ថកិច្ច​បន្ត​ចាត់​វិធានការ​តាម​ចាប់​ជន​ដៃ​ដល់។

លោក ស ខេង មិន​បាន​អធិប្បាយ​ទេ នៅ​ពេល​អ្នក​សារព័ត៌មាន​ចោទ​សួរ​ពី​ព័ត៌មាន​ដែល​ថា ការ​បាញ់​ប្រហារ​កម្មករ​មាន​ជាប់​ទាក់​ទិន​នឹង​អភិបាល​ក្រុង​បាវិត។

ក្នុង​លិខិត​ដដែល សហជីព​បាន​ហៅ​ការ​​បាញ់​ប្រហារ​ក្រុម​កម្មករ​ខ្មែរ​នៅ​រោងចក្រ​ដេរ​ស្បែក​ជើង កៅ​វ៉េ (Kaoway) ស្ថិត​ក្នុង​សង្កាត់​បាវិត ក្រុង​បាវិត ខេត្ត​ស្វាយរៀង កាលពី​ថ្ងៃ​ទី​២០ ខែ​កុម្ភៈ ឆ្នាំ​២០១២ ថា គឺ​ជា​សោកនាដកម្ម​ថ្មី​មួយ​បន្ថែម​ទៀត​នៅ​កម្ពុជា បន្ទាប់​ពី​ឧប្បត្តិហេតុ​នៅ​លើ​ស្ពាន​ពេជ្រ និង​ការ​បាញ់​រះ​លើ​កសិករ​តវ៉ា​ក្នុង​ជម្លោះ​ដីធ្លី​នៅ​ស្រុក​ស្នួល ខេត្ត​ក្រចេះ។ ការ​នេះ​បាន​ធ្វើ​ឲ្យ​មាន​ការ​ភ្ញាក់ផ្អើល​ជា​អន្តរជាតិ ខូចខាត​ដល់​កិត្តិយស​ជាតិ​កម្ពុជា និង​ប៉ះពាល់​យ៉ាង​ធ្ងន់ធ្ងរ​ដល់​តម្លៃ​ក្រុមហ៊ុន ពូម៉ា (PUMA) និង​អ្នក​បញ្ជា​ទិញ​ផ្សេង​ទៀត៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

ព័ត៌មាន (6)

មើល​មតិ​ទាំង​អស់.

Anonymous says:
Feb 27, 2012 01:31 PM

I doubted that Youn had orchestrated this killing plan from the day one. Who responsible for killing Khmers during 1975-79? Only the highest ranking position Khmer Rouge did. In this case, Hun Sen is the Youn highest ranking position in Cambodia, He should responsible for what happened to these victims and not the Bavet, Youn, middle ranking position clowns.

Anonymous says:
Feb 28, 2012 12:11 AM

To Prey Choup: It is not good to call PUMA to stop ordering garment from Cambodia which give job to million female Cambodian. You can do it because u live in USA. Cambodia is disappointed to have citizen like u.

Anonymous says:
Feb 28, 2012 12:41 PM

សមត្ថកិច្ចរដ្ឋាភិបាលត្រូវតែទទួលខុសត្រូវ ចំពោះការបាត់ប្រហារកម្មករដូចសត្វធាតុ ទង្វើបែបនេះវាមិនមែនជាដំនោះស្រាយ ដោយប្រើអាវុធ ករណីកើតជាដដែលៗ ដែលអាជ្ញាធរតែងតែបន្ទោសខ្មាន់កាំភ្លើងមិនស្គាល់អត្តសញ្ញាណ ទោះជានរណាក៏ដោយអាជ្ញាធរត្រូវតែរកអោយចាប់យកមកផ្តន្ទាទោស នេះជាការទទួលខុសត្រូវរបស់អាជ្ញាធររដ្ឋាភិបាល។ ហើយត្រូវចាប់យកខ្មាន់កាំភ្លើងពិតប្រាកដ ជៀសវាងយកជនស្លូតត្រង់មកទទួលទោស ដើម្បីបិទបាំងការពិត៕

Anonymous says:
Feb 28, 2012 01:56 AM

I want to see who this guy .Rfa please post the picture of the shooter if capture this guy .The puma company can,t let this guy go.

Anonymous says:
Feb 27, 2012 04:19 PM

PUMA should stop order product from these dab guy!!!!

Anonymous says:
Feb 28, 2012 11:27 AM

លោក ស ខេង បានប្រកាសថា កងកម្លាំងនគរបាលមិនត្រូវប្រើអំពើហិង្សាទៅលើ កម្មករ ឬក្រុមបាតុករ តវ៉ាពីរឿងដីធីទេ គឺត្រូវប្រកាន់គោលជំហរអព្យាក្រឹត មិនលម្អៀង។ ហេតុនេះ នៅពេលដែលកងកម្លាំងនគរបាល ឬកងកម្លាំងប្រដាប់អាវុធ ប្រើអំពើហិង្សា វាយដំ ប្រើដំបងឆក់ និងបាញ់ ទៅលើក្រុមបាតុករ ដោយសារតែបានទទួលលាភសក្ការៈ ពីក្រុមហ៊ុន គួរតែចាត់ទុកថា បានប្រព្រឹត្តអំពើពុករលួយ។ តើច្បាប់ប្រឆាំងនឹងអំពើពុករលួយ គប្បីដាក់ទោសមន្ត្រីដែលប្រព្រឹត្តអំពើបែបនេះ ឬទេ?
«អាតូចមិនឈ្នះអាធំ អាតូចប្រមូលផ្តុំ អាធំបះជើង» ពៅ សង្ឃឹម

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល