រូបត្លុកនយោបាយ៖ លោក ហ៊ុន សែន គ្មានគូរប្រជែង!
ដោយ អាស៊ីសេរី
2018.07.02
2018.07.02
ការបោះឆ្នោតជាតិដ៏ចម្រូងចម្រាស នៅថ្ងៃទី២៩ កក្កដា ខាងមុខនេះ រងការរិះគន់ពីសហគមន៍ជាតិ និងអន្តរជាតិថា គ្រាន់តែជាឆាកល្ខោន ធ្វើឡើងដើម្បីបោកបញ្ឆោតមតិជាតិ និងអន្តរជាតិ ដើម្បីឲ្យលោក ហ៊ុន សែន និងគណបក្សកាន់អំណាចរបស់លោក អាចបន្តកាន់អំណាចរបស់ខ្លួន ជាបន្តទៅទៀតតែប៉ុណ្ណោះ។
គណបក្សកាន់អំណាច បានរៀបចំផែនការធានាជ័យជម្នះរួចជាស្រេច នៅមុនការបោះឆ្នោត តាមរយៈការរម្លាយគណបក្សប្រឆាំងធំជាងគេ គឺគណបក្សសង្គ្រោះជាតិ និងការគាស់រម្លើងប្រព័ន្ធប្រជាធិបតេយ្យនៅកម្ពុជាជាស្ថាពរ តាមរយៈការចាប់មេបក្សប្រឆាំង និងសកម្មជនដាក់គុក បិទប្រព័ន្ធផ្សព្វផ្សាយឯករាជ្យ និងធ្វើច្បាប់នានាដើម្បីការពារផលប្រយោជន៍បក្សកាន់អំណាចរបស់ខ្លួន៕