ប្រទេសចិន បានខកខានមិនបានជូនដំណឹងដល់ប្រទេសជិតខាងរបស់ខ្លួន ពីការសម្រេចបិទទំនប់វារីអគ្គិសនី ជីងហុង ដែលជាវារីអគ្គិសនីមួយក្នុងចំណោមវារីអគ្គិសនីសរុបចំនួន ១១ របស់ខ្លួន នៅលើដងទន្លេមេគង្គ។ ការចាប់ផ្ដើមរឹតត្បិតរំហូរទឹកនេះ កើតមានឡើងតាំងពីថ្ងៃទី៣១ ធ្នូ មកម្ល៉េះ ក៏ប៉ុន្តែ ចិនបានប្រើពេលអស់ ៦ថ្ងៃ ទៀត គឺនៅ ថ្ងៃទី០៥ មករា ទើបសម្រេចជូនដំណឹងទៅប្រទេសនៅតាមខ្សែទឹកខាងក្រោមអំពីហេតុការណ៍នេះ។ អ្នកជំនាញអភិបាលកិច្ចទឹក ថា ចិនជូនដំណឹងយឺត ដែលអាចធ្វើឲ្យប្រទេសនៅតាមខ្សែទឹកខាងក្រោមជួបការលំបាកក្នុងការត្រៀមខ្លួនជាមុន។
ទន្លេមេគង្គ មានប្រភពចេញមកពីខ្ពង់រាបទីបេ នៃប្រទេសចិន។ ជាទន្លេវែងជាងគេទី១២ នៅលើពិភពលោក ទន្លេនេះលាតសន្ធឹងកាត់ប្រទេសចិន មីយ៉ាន់ម៉ា ឬភូមា ឡាវ ថៃ កម្ពុជា និង វៀតណាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។