បទ​វិភាគ៖ តើ​កម្ពុជា​ដែល​គ្មាន​ការ​ដឹកនាំ​របស់​លោក ហ៊ុន សែន នឹង​ទៅ​ជា​យ៉ាង​ណា?

ដោយ ជុន ច័ន្ទបុត្រ
2017-01-12
អ៊ីម៉ែល
មតិ
Share
បោះពុម្ព
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​ចែក​សញ្ញាបត្រ​ដល់​និស្សិត​សាកលវិទ្យាល័យ​ជាតិ​គ្រប់គ្រង នា​មជ្ឈមណ្ឌល​ពិព័រណ៍ និង​សន្និបាត​កោះ​ពេជ្រ រាជធានី​ភ្នំពេញ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦។ RFA/Brach Chev
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​ចែក​សញ្ញាបត្រ​ដល់​និស្សិត​សាកលវិទ្យាល័យ​ជាតិ​គ្រប់គ្រង នា​មជ្ឈមណ្ឌល​ពិព័រណ៍ និង​សន្និបាត​កោះ​ពេជ្រ រាជធានី​ភ្នំពេញ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦។ RFA/Brach Chev
RFA/Brach Chev

មក​ដល់​ខែ​មករា ឆ្នាំ​២០១៧ នេះ លោក ហ៊ុន សែន កាន់​តំណែង​ជា​នាយក​រដ្ឋមន្ត្រី​កម្ពុជា បាន ៣២​ឆ្នាំ​គត់​ហើយ។ លោក​បាន​ឡើង​កាន់​តំណែង​កំពូល​នេះ​កាល​ពី​ថ្ងៃ​ទី​១៤ ខែ​មករា ឆ្នាំ​១៩៨៥ បន្ត​ពី​លោក ចាន់ ស៊ី ដែល​ទទួល​មរណភាព។

ប្រាកដ​ណាស់ ការ​ដែល​លោក​ឈរ​ជាប់​ក្នុង​តំណែង​នេះ​អស់​ជាង​បី​ទសវត្សរ៍​កន្លង​ទៅ​នេះ គឺ​ដោយសារ​មាន​ការ​គាំទ្រ​ពី​គណបក្ស​ប្រជាជន​កម្ពុជា របស់​លោក​ដែល​ឈ្នះ​ឆ្នោត​ជានិច្ច​ផង និង​មក​ពី​លោក​ខ្លួន​ឯង​ជឿជាក់​ថា មាន​តែ​លោក​ទេ​ដែល​ស្គាល់​គ្រប់​កន្លុក​កន្លៀត​ផ្លូវ ហើយ​អាច​កាច់​ចង្កូត​ដឹកនាំ​នាវា​កម្ពុជា បាន​ល្អ​ជាង​គេ។ លោក​ក៏​ទស្សន៍ទាយ​ទុក​ដែរ​ថា សង្គ្រាម​នឹង​ឆេះ​រាលដាល​នៅ​កម្ពុជា ប្រសិន​បើ​លោក​មិន​ដឹកនាំ​ប្រទេស​ទេ​នោះ។

អ្វីៗ​ទាំងអស់​នៅ​លើ​លោក​នេះ​មិន​ទៀងទាត់​ទេ ហើយ​នឹង​ដល់​ទី​បញ្ចប់​ដោយ​ចៀស​មិន​រួច “អនិច្ចំ ទុក្ខំ អនត្តា”។ ប្រាកដ​ណាស់ យូរ ឬ​ឆាប់ កម្ពុជា នឹង​មាន​មេ​ដឹកនាំ​ថ្មី​មួយ​ដែល​មិន​មែន​ជា​លោក​នាយក​រដ្ឋមន្ត្រី ហ៊ុន សែន។

ចំពោះ​សំណួរ​ថា តើ​កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន អាច​នឹង​ទៅ​ជា​យ៉ាង​ណា​នោះ វា​អាស្រ័យ​ទៅ​លើ​កត្តា​សំខាន់ៗ​មួយ​ចំនួន ដូចជា ថា​តើ​លោក​នាយក​រដ្ឋមន្ត្រី ហ៊ុន សែន នឹង​បន្សល់​កេរ​ដំណែល​បែប​ណា​សម្រាប់​អ្នក​កាន់​អំណាច​បន្ទាប់​ពី​លោក​ផង និង​វា​អាស្រ័យ​ទៅ​លើ​សមត្ថភាព និង​បុគ្គលិក​លក្ខណៈ​របស់​អ្នក​ដែល​នឹង​ឡើង​មក​កាន់​តំណែង​បន្ត​នោះ​ផង។

កម្ពុជា រួច​ផុត​ពី​របប​ខ្មែរ​ក្រហម​បាន ៣៨​ឆ្នាំ​ហើយ។ ថ្វីត្បិតតែ​ពួក​ខ្មែរ​ក្រហម​បាន​គេច​ទៅ​បង្ក​ទ័ព​នៅ​ជាយដែន និង​បង្ក​អសន្តិសុខ​អស់​ជិត ២០​ឆ្នាំ ក្រោយ​ពី​ពួក​នេះ​លែង​កាន់​អំណាច​ក៏ដោយ ចាប់​តាំង​ពី​ឆ្នាំ​១៩៩៦ ក្រុម​នេះ​ត្រូវ​បាន​លោក​នាយក​រដ្ឋមន្ត្រី ហ៊ុន សែន ប្រើប្រាស់​យុទ្ធសាស្ត្រ​ដ៏​ឈ្លាស​វៃ​វាយ​កម្ទេច​ឲ្យ​ស្ទើរ​តែ​សាបសូន្យ​ជា​បណ្ដើរៗ រហូត​ដល់​ក្រុម​នេះ​ត្រូវ​បាន​រំលាយ​បាន​ជា​ស្ថាពរ​នៅ​ឆ្នាំ​១៩៩៩។ ប្រវត្តិវិទូ​ទាំងឡាយ​មូល​មតិ​គ្នា​ថា នេះ​គឺ​ជា​លើក​ទី​មួយ​ក្នុង​ប្រវត្តិសាស្ត្រ​កម្ពុជា នៃ​សម័យ​កាល​ទំនើប​នេះ ដែល​កម្ពុជា គ្មាន​សង្គ្រាម​ស៊ីវិល​បង្ហូរ​ឈាម​រវាង​ក្រុម​បដិបក្ខ​ខ្មែរ​នឹង​ខ្មែរ​គ្នា​ឯង និង​រួច​ផុត​ពី​សង្គ្រាម​បាញ់​ប្រហារ​ដោយ​អាវុធ​ពី​បរទេស។

ក្នុង​រយៈកាល​កាន់​អំណាច​របស់​លោក​នាយក​រដ្ឋមន្ត្រី ហ៊ុន សែន នេះ​ដែរ សង្គ្រាម​ត្រជាក់ ឬ​សង្គ្រាម​មនោគមន៍​វិជ្ជា​រវាង​ប្លុក​កុម្មុយនីស្ត និង​ប្លុក​សេរី ក៏​ត្រូវ​បាន​បញ្ចប់ ដែល​ធ្វើ​ឲ្យ​កម្ពុជា ទទួល​បាន​នូវ​ការ​ទទួល​ស្គាល់ និង​ការ​ជួយ​ជ្រោមជ្រែង​រក​សន្តិភាព​ដល់​កម្ពុជា ពី​សហគមន៍​អន្តរជាតិ ព្រម​ទាំង​បាន​បង្ក​លក្ខណៈ​ឲ្យ​កម្ពុជា បាន​បោះ​ជំហាន​ចូល​ក្នុង​ឆាក​អន្តរជាតិ​ស្មើ​មុខ​ស្មើ​មាត់​នឹង​គេ។ ពេល​នេះ កម្ពុជា បាន​ទទួល​អាសនៈ​ស្រប​ច្បាប់​នៅ​អង្គការ​សហប្រជាជាតិ និង​បាន​ចូល​ជា​សមាជិក​ពេញ​សិទ្ធិ​នៃ​សមាគម​ប្រជាជាតិ​អាស៊ី​អាគ្នេយ៍ ហៅ​កាត់​អាស៊ាន ជាដើម។ នេះ​អាច​ជា​មូលដ្ឋាន​ដ៏​រឹងមាំ​មួយ​ជួយ​ការពារ​កម្ពុជា កុំ​ឲ្យ​រង​ការ​បង្ក​សង្គ្រាម​ដោយ​អាវុធ​ពី​បរទេស។

ចំពោះ​លទ្ធភាព​ដែល​ថា​អាច​មាន​សង្គ្រាម​ស៊ីវិល​បង្ហូរ​ឈាម​រវាង​ភាគី​ខ្មែរ និង​ខ្មែរ ប្រសិន​បើ​គណបក្ស​នេះ ឬ​គណបក្ស​នោះ​ឈ្នះ​ឆ្នោត​នោះ ក៏​អាច​ពិបាក​នឹង​កើត​មាន​ណាស់ ដ្បិត​កម្ពុជា ប្រកាន់​យក​លទ្ធិប្រជាធិបតេយ្យ សេរី​ពហុ​បក្ស ដែល​ការ​ផ្លាស់ប្ដូរ​មេ​ដឹកនាំ ធ្វើ​ឡើង​តាម​ការ​បោះឆ្នោត​ដោយ​មាន​គណបក្ស​នយោបាយ​នានា​ចូលរួម​ផង​នោះ។

ឧបមា​ថា បើ​គណបក្ស​មិន​កាន់​អំណាច​ចាញ់​ឆ្នោត ហើយ​តវ៉ា ដោយ​ថា​ការ​បោះឆ្នោត​មិន​យុត្តិធម៌ ក៏​ពួក​គាត់​បាន​ត្រឹម​នាំ​គ្នា​ធ្វើ​បាតុកម្ម​អហិង្សា​នៅ​លើ​ទីតាំង​មួយ​ដែល​រដ្ឋាភិបាល​គូសវាស​ឲ្យ និង​ស្ថិត​ក្រោម​ក្រសែភ្នែក​តាមដាន​យ៉ាង​ហ្មត់ចត់​ពី​កង​កម្លាំង​ប្រដាប់​អាវុធ​របស់​រដ្ឋាភិបាល​ផង។ ទីបំផុត ក្រុម​អ្នក​តវ៉ា​ក៏​ត្រូវ​ក្រុម​អ្នក​កាន់​អំណាច​បាញ់​បង្ក្រាប​ឲ្យ​រត់​បែក​ខ្ចាត់ខ្ចាយ ដូចជា​ការ​តវ៉ា​របស់​គណបក្ស​សង្គ្រោះ​ជាតិ ក្រោយ​ការ​បោះឆ្នោត​ឆ្នាំ​២០១៣ ជា​ឧទាហរណ៍​ស្រាប់។ លើកលែង​តែ​អ្នក​ចាញ់​ឆ្នោត​ជា​ក្រុម​កាន់​អំណាច ហើយ​នៅ​ក្រាញ​មិន​ព្រម​ប្រគល់​អំណាច​ឲ្យ​អ្នក​ឈ្នះ​ឆ្នោត រួច​ប្រើ​កម្លាំង​អាវុធ​វាយ​បង្ក្រាប​ក្រុម​អ្នក​ឈ្នះ​ឆ្នោត​មិន​ឲ្យ​ឡើង​កាន់​អំណាច ទើប​ការ​បង្ហូរ​ឈាម​អាច​កើត​ឡើង​បាន។

ទោះ​ជា​ការ​ផ្លាស់ប្ដូរ​មេ​ដឹកនាំ​នៅ​កម្ពុជា អាច​នឹង​មិន​ធ្វើ​ឲ្យ​មាន​សង្គ្រាម​កើត​ឡើង​ក៏ដោយ​ចុះ អ្នក​ដឹកនាំ​ថ្មី​ដែល​នឹង​ឡើង​កាន់​អំណាច​បន្ត​ពី​លោក ហ៊ុន សែន ក៏​នឹង​ត្រូវ​ប្រឈម​មុខ​ទៅ​នឹង​បញ្ហា​ស្មុគស្មាញ​ជាច្រើន​អន្លើ ដែល​បង្ក​ឡើង និង​បន្សល់​ទុក​ពី​ការ​កាន់​អំណាច​ជាង ៣០​ឆ្នាំ​របស់​លោក​នាយក​រដ្ឋមន្ត្រី ហ៊ុន សែន។ បញ្ហា​ទាំងនោះ​មាន​ច្រើន​សន្ធឹកសន្ធាប់ ដែល​អាច​ត្រូវ​ការ​ពេលវេលា​វែង​ក្នុង​ការ​សិក្សា និង​បរិយាយ ក៏ប៉ុន្តែ​ជា​ត្រួសៗ បញ្ហា​លេចធ្លោ​មួយ​ចំនួន​ដែល​មេ​ដឹកនាំ​ថ្មី​បន្ទាប់​ពី​លោក ហ៊ុន សែន ត្រូវ​ប្រឈម​មាន​ជាអាទិ៍​ដូចជា៖

  • ការ​ជួយ​ដោះស្រាយ​រក​ទី​ជម្រក​ឲ្យ​មនុស្ស​ជិត ១​លាន​នាក់​ដែល​រងគ្រោះ​ដោយសារ​អាជ្ញាធរ​នៃ​រដ្ឋាភិបាល​លោក​នាយក​រដ្ឋមន្ត្រី ហ៊ុន សែន បណ្ដេញ​ចេញ​ពី​លំនៅឋាន ក្រោម​ហេតុផល​អភិវឌ្ឍន៍ និង​ដី​សម្បទាន​សេដ្ឋកិច្ច
  • ការ​រៀបចំ​ព្រំដែន​ជាមួយ​ប្រទេស​ជិត​ខាង ដើម្បី​កុំ​ឲ្យ​ខូច​ប្រយោជន៍​ជាតិ
  • ការ​ការពារ​ព្រៃ​ឈើ និង​ធនធាន​ធម្មជាតិ​ដែល​នៅ​សេសសល់​តិចតួច​ពី​ការ​កាប់​ឆ្ការ​ធ្វើ​អាជីវកម្ម​ពី​សំណាក់​ឈ្មួញ ដែល​មាន​ទំនាក់ទំនង​យ៉ាង​ជិតស្និទ្ធ​ជាមួយ​ក្រុម​អ្នក​កាន់​អំណាច។

 

ទោះ​បី​ជា​លោក​នាយក​រដ្ឋមន្ត្រី ហ៊ុន សែន សន្យា​ថា​ នឹង​កាត់​ក​ខ្លួន​ឯង​ចោល បើ​លោក​មិន​អាច​បញ្ឈប់​ឈ្មួញ​ជួញដូរ​ព្រៃ​ឈើ​មិន​បាន​ក៏ដោយ​ចុះ មក​ទល់​នឹង​ពេល​នេះ ក្រុម​ស្រាវជ្រាវ​ណាសា (NASA) របស់​សហរដ្ឋ​អាមេរិក ដែល​បាន​ថត​ពី​ទី​អវកាស​មក បាន​រក​ឃើញ​ថា ព្រៃ​ឈើ​នៅ​ប្រទេស​កម្ពុជា កំពុង​បាត់បង់​ក្នុង​ល្បឿន​លឿន​ខ្លាំង ហើយ​ថា​ កម្ពុជា ស្ថិត​ក្នុង​ក្រុម​ប្រទេស​ដែល​មាន​អត្រា​ការ​កាប់​ព្រៃ​ឈើ​លឿន​ជាង​គេ​បំផុត​ក្នុង​ពិភពលោក។

មេ​ដឹកនាំ​បន្ត​ពី​លោក ហ៊ុន សែន ក៏​នឹង​ត្រូវ​ទទួល​បន្ទុក​សង​បំណុល​បរទេស​ប្រមាណ​ជិត ១​ម៉ឺន​លាន​ដុល្លារ​សហរដ្ឋ​អាមេរិក។ ទោះ​ជា​នៅ​ក្រោម​ការ​គ្រប់គ្រង​របស់​លោក​នាយក​រដ្ឋមន្ត្រី ហ៊ុន សែន លោក​បាន​ខ្ចី​លុយ​បរទេស​ច្រើន​សន្ធឹកសន្ធាប់ និង​បាន​ធ្វើ​អាជីវកម្ម​កាប់​ព្រៃ​ឈើ លក់​ធនធាន​ធម្មជាតិ និង​សម្បត្តិ​ជាតិ​ស្ទើរ​រលាយ​ហិនហោច​ក្តី អ្នក​ជំនាញ​សេដ្ឋកិច្ច​ចាត់​ទុក​ថា កម្ពុជា កំពុង​ឋិត​ក្នុង​ចំណោម​ប្រទេស​ដែល​ក្រីក្រ​ខ្លាំង​ជាង​គេ​បំផុត​មួយ​នៅ​លើ​ពិភពលោក។ អត្រា​នៃ​ភាព​ក្រីក្រ​នៅ​កម្ពុជា បាន​ថយ​ចុះ​មែន​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ តែ​អ្នក​ជំនាញ​រក​ឃើញ​ថា ក្នុង​ចំណោម​ប្រជាពលរដ្ឋ​ខ្មែរ​ជាង ១៥​លាន​នាក់ មាន​អ្នក​ក្រ ៧​លាន​នាក់ និង​អ្នក​ជិត​ក្រ​ប្រមាណ ៨​លាន​នាក់។ បើ​តាម​តួលេខ​នេះ ពលរដ្ឋ​កម្ពុជា ស្ទើរ​តែ​ទាំងអស់​សុទ្ធតែ​ជា​អ្នក​ក្រ និង​អ្នក​ហៀប​តែ​នឹង​ធ្លាក់​ខ្លួន​ក្រ។

ប្រាកដ​ណាស់ កម្ពុជា ក៏​មាន​អ្នក​មាន​ទ្រព្យ​ធន​តាម​ការ​ប្រកប​របរ​រក​ស៊ី​សុចរិត​ទៀង​ត្រង់​ដែរ ក៏ប៉ុន្តែ​បើ​តាម​ការ​ស្រាវជ្រាវ​របស់​អង្គការ​អន្តរជាតិ​មួយ​ចំនួន វណ្ណៈ​អ្នក​ដឹកនាំ និង​ក្រុម​អ្នក​ហែហម​វណ្ណៈ​អ្នក​ដឹកនាំ ភាគច្រើន​មាន​ទ្រព្យ​សម្បត្តិ​ហូរហៀរ​ដោយ​ប្រព្រឹត្ត​អំពើ​ពុក​រលួយ។ គ្រួសារ​ដែល​មាន​ជាង​គេ​បំផុត​មួយ​នៅ​ក្នុង​ប្រទេស​កម្ពុជា បើ​តាម​ការ​ស៊ើប​អង្កេត​របស់​អង្គការ​ឃ្លាំមើល​ពិភពលោក (Global Witness) គឺ​គ្រួសារ​របស់​លោក​នាយក​រដ្ឋមន្ត្រី ហ៊ុន សែន តែ​ម្តង។ ការ​ស៊ើប​អង្កេត​នេះ ឲ្យ​ដឹង​ថា គ្រួសារ​លោក​នាយក​រដ្ឋមន្ត្រី ហ៊ុន សែន មាន​លុយ​សរុប​ទាំងអស់​ប្រមាណ​ពី ៥០០​លាន​ ទៅ ១​ពាន់​លាន​ដុល្លារ​សហរដ្ឋ​អាមេរិក។

លោក​នាយក​រដ្ឋមន្ត្រី​ធ្លាប់​អះអាង​ថា លោក​ទទួល​បាន​ប្រាក់​ខែ ១​ម៉ឺន ៣​ពាន់ ៨០០​ដុល្លារ (១៣.៨០០​ដុល្លារ) ក្នុង​មួយ​ឆ្នាំ។ ប្រសិន​បើ​លោក​មិន​ចាយ​មួយ​ដុល្លារ​ណា​សោះ​ក្នុង​រយៈពេល ៣២​ឆ្នាំ​ក្នុង​តំណែង​ជា​នាយក​រដ្ឋមន្ត្រី​នេះ លោក​អាច​សន្សំ​បាន​ប្រមាណ​ជិត​កន្លះ​​លាន​ដុល្លារ​សហរដ្ឋ​អាមេរិក។ ប្រហែល​មាន​តែ​អង្គភាព​ប្រឆាំង​អំពើ​ពុក​រលួយ​ទេ​ដែល​អាច​ផ្ទៀងផ្ទាត់​បញ្ជាក់​ថា តើ​ការ​រក​ឃើញ​របស់​អង្គការ​ឃ្លាំមើល​ពិភពលោក ថា​លោក​នាយក​រដ្ឋមន្ត្រី និង​គ្រួសារ​មាន​ប្រាក់​ពី ៥០០​លាន​ទៅ ១​ពាន់​លាន​ដុល្លារ​សហរដ្ឋ​អាមេរិក​នោះ ពិត​ឬ​មិន​ពិត។ ហើយ​បើ​អង្គភាព​ប្រឆាំង​អំពើ​ពុក​រលួយ​សម្រេច​តាមដាន​រឿង​នេះ​មែន ក្រុម​នេះ​ប្រហែល​សម្បូរ​ការងារ​ធ្វើ​ណាស់។

ការ​រៀបចំ​ពង្រឹង​ស្ថាប័ន​រដ្ឋាភិបាល​មួយ​ដែល​មាន​អ្នក​ជំនាញ​គ្រប់គ្រង​ច្បាស់លាស់ ជា​ជាង​គ្រប់គ្រង​ដោយ​គ្រួសារ​មេ​ដឹកនាំ និង​បក្ខពួក​របស់​មេ​ដឹកនាំ ក៏​ជា​បន្ទុក​មួយ​សម្រាប់​អ្នក​ឡើង​កាន់​អំណាច​បន្ត​ពី​លោក ហ៊ុន សែន ជាពិសេស​ការ​រៀបចំ​ប្រទេស​មួយ​ឲ្យ​មាន​ការ​គោរព​ច្បាប់ លុប​បំបាត់​វប្បធម៌​និទ្ទណ្ឌភាព។

យោង​តាម​ការ​ទម្លាយ​ឯកសារ​សម្ងាត់​របស់ វិគីលីក (WikiLeaks) ដែល​បាន​ចុះ​ផ្សាយ​នូវ​កំណត់​សម្គាល់​របស់​ស្ថានទូត​អាមេរិក​ប្រចាំ​កម្ពុជា ពី​ចន្លោះ​ឆ្នាំ​១៩៩២ ដល់​ឆ្នាំ​២០១០ ប្រមុខ​អ្នក​ការទូត​អាមេរិក​សរសេរ​ថា “ឈ្មួញ​រក​ស៊ី​ធំៗ​នៅ​កម្ពុជា សុទ្ធតែ​មាន​ទំនាក់ទំនង​ផ្ទាល់​ខ្លួន​យ៉ាង​ជិតដិត​ជាមួយ​លោក ហ៊ុន សែន និង​ជាមួយ​មន្ត្រី​គ្រាក់ៗ​ក្នុង​របប​លោក ហ៊ុន សែន”។ ឯកសារ​បែក​ធ្លាយ​នោះ​បន្ត​ថា “លោក ហ៊ុន សែន ត្រេក​ត្រអាល​នឹង​ទំនាក់ទំនង​ជាមួយ​មហា​សេដ្ឋី​ទាំងនេះ​ណាស់ ដ្បិត​ពួក​គេ​បាន​ផ្តល់​លុយ​ដល់​លោក ជា​ថ្នូរ​នឹង​ការ​ទទួល​បាន​មក​វិញ​នូវ​ការ​គាំទ្រ​ពី​លោក ក្នុង​មុខ​ជំនួញ​របស់​គេ”។ អ្នក​ការទូត​អាមេរិក​រូប​នោះ​សន្និដ្ឋាន​ថា “គឺ​ទំនាក់ទំនង​សេដ្ឋកិច្ច​បែប​នេះ​ហើយ ដែល​បាន​បង្កើត​ឡើង និង​ពង្រឹង​នូវ​វប្បធម៌​និទ្ទណ្ឌភាព​ក្នុង​ប្រទេស​កម្ពុជា ហើយ​ព្រម​ទាំង​បាន​រារាំង​សកម្មភាព​ទប់ស្កាត់​អំពើ​ពុក​រលួយ​នៅ​ក្នុង​ប្រទេស”

កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន ក៏​ប្រហែល​ជា​មាន​ការ​ផ្តល់​សេវា​សាធារណៈ ដូចជា​ការ​កសាង​សាលា​រៀន មន្ទីរពេទ្យ ផ្លូវ​ថ្នល់ ជូន​ដល់​ពលរដ្ឋ​ប្រកប​ដោយ​យន្តការ និង​យុទ្ធសាស្ត្រ​ជាតិ​ត្រឹមត្រូវ ជា​ជាង​ការ​យក​ធនធាន​របស់​ជាតិ​ទៅ​ផ្តល់​ឲ្យ​អ្នក​ក្រីក្រ និង​ក្រុម​មនុស្ស​ដែល​គាំទ្រ​ខ្លួន​តាម​ទំនើង​ចិត្ត រួច​ផ្សាយ​ពី​សកម្មភាព​ទាំងនោះ​តាម​ប្រព័ន្ធ​ផ្សព្វផ្សាយ​គ្រប់គ្រង​ដោយ​សាច់សាលោហិត​របស់​ខ្លួន ដើម្បី​ទាក់ទាញ​ការ​គាំទ្រ​បែប​ប្រជាភិថុតិ។

តម្រូវការ​ចាំបាច់​មួយ​ទៀត​ក្នុង​សង្គម​កម្ពុជា ដែល​គ្មាន​ការ​ដឹកនាំ​របស់​លោក ហ៊ុន សែន នោះ គឺ​ការ​ធានា​នូវ​សិទ្ធិ​ផ្តល់ និង​ទទួល​ព័ត៌មាន ដែល​បង្ក​លក្ខណៈ​ឲ្យ​អ្នក​កាសែត និង​ប្រភព​ផ្តល់​ដំណឹង អាច​បំពេញ​បេសកកម្ម​របស់​ខ្លួន និង​និយាយ​ការពិត​បាន​ជា​ប្រយោជន៍​ដល់​សង្គម ដោយ​មិន​ទទួល​ការ​គំរាម​កំហែង​សុវត្ថិភាព​ផ្ទាល់​ខ្លួន និង​រង​ការ​ជេរ​ប្រមាថ និង​ដោយ​មិន​ចាំបាច់​សរសេរ​លើក​ជើង​ក្រុម​អ្នក​កាន់​អំណាច​ឡើយ។

ក្រៅ​ពី​នេះ ការ​ស្ដារ​សីលធម៌​សង្គម​ឡើង​វិញ បន្ទាប់​ពី​មាន​មេ​ដឹកនាំ​កំពូល​សាបព្រោះ​នូវ​វប្បធម៌​ជេរ​ប្រមាថ​ដាក់​មេក្រូ​ជា​សាធារណៈ ដោយ​ហៅ​គេ​ឯង​ថា​អា​គុក អា​ព្រហើន ជាដើម ព្រម​ទាំង​ការ​ផ្សះផ្សា​មនុស្ស​នៅ​ក្នុង​សង្គម​ជាតិ​ឲ្យ​ជានា​នឹង​គ្នា​ឡើង​វិញ បន្ទាប់​ពី​មាន​ការ​ញុះញង់​ឲ្យ​បែកបាក់ លាប​ពណ៌​គ្នា​ថា​ជា​ក្រុម​ប្រឆាំង ក្រុម​អាយ៉ង​បរទេស ក្រុម​មាន​គតិ ឬ​ក្រុម​អគតិ ជាដើម។

អាស្រ័យ​ទៅ​នឹង​បុគ្គលិក​លក្ខណៈ និង​សមត្ថភាព​របស់​មេ​ដឹកនាំ​ថ្មី កម្ពុជា ដែល​គ្មាន​ការ​ដឹកនាំ​របស់​លោក​នាយក​រដ្ឋមន្ត្រី ហ៊ុន សែន ប្រហែល​ជា​អាច​រួច​ផុត​ពី​ក្រញាំ​គ្រប់គ្រង​ប្រទេស​មួយ​ដែល​មេ​ដឹកនាំ​ចាត់​ទុក​ប្រទេស​ជាតិ ដូចជា​សម្បត្តិ​ឯកជន​របស់​គ្រួសារ​ខ្លួន និង​ក្រុម​បក្ស​របស់​ខ្លួន ហើយ​ប្រែ​ក្លាយ​កម្ពុជា ដ៏​កម្សត់​នេះ​ឲ្យ​ទៅ​ជា​ប្រទេស​មួយ​ដែល​មាន​ការ​អភិវឌ្ឍ​ត្រឹមត្រូវ និង​ជា​សង្គម​មួយ​ដែល​មាន​យុត្តិធម៌ និង​សេរីភាព៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (26)
Share

Horrible dictator HunSen VS new draft constitution in easier to control freak/vote fraud...

Cambodia-4 decades of oppression,dictator Hun Sen's undemocratic state,it's such a jock to be role of Cambodia democracy society,but Cambodia immediately after 2013 election-most of which are not fair and just.Here voters are slaves who vote to elect their masters who are,more often that not"uneducated,arrogance,barbarian,rebellion radical,commies,criminals or whatever".As a result,the democratic health of the country is going from bad to worse"pass from killing fields to mass of destruction".This fact is also reflected in the finding of a Global survey done by Global democracy ranking,a non-profit organization based in Vienna"Austria".It measures the quality of democracy on parameter such as politics,gender,economy,knowledge,health,and environment,for its recently published democracy 2016,a total of 112 countries has been evaluated using a multi-dimension approach .Cambodia,which claims to be the lowest democracy in the world,is placed at a poor ranked of 107.Corruption from the rooftop to the bottom down to earth,attacks on shantytown or on poor communities"worst lands grabbing",restraints on freedom of expression ,threaten political dissents,human rights violations,gender inequality,human,drug,sex slaves trafficking are among the traits of the current political system in Cambodia.It's assumed that democracy cannot be achieved and it cannot be delivered without these horrific traits .Then,why do we need such a tortures democracy-and what is wrong with this system,?the problem begins with this elections"CNRP VS CCP"in 2018,who are the party can compete with dictator HunSen's CCP if a great opposition political contender had been destroyed before national election coming on July 2018"by HunSen committed crime/fear lose election".Today,in Cambodia's population of more than 15 millions still wondering which a best political parties can defeat the longest rule dictator in s.east Asian hemisphere?,there is only CNRP is the top political contender than can defeat HunSen and made dictator getting a jungle fewer every times/craziest",there are really 9 million voters in among 15 millions,on average,about 62% voters vote.Majority of the ple who absolute politics as a profession during the past 4 decades are uneducated,unskilled,lack leaderships,govm't or from the traditional political families"nepotism".There are 3 reasons for a dictator to have a legislature,legitimacy,bureaucracy,and protection.Usually dictators come to power through the backdoor,through the coups or revolutions,or they need public legitimacy which required having a formal structure of the govm't including the legislature,then they consolidate power by putting cronies and loyalist in the parliament.A legislature is needed in any state to enact laws and approve the budget,in addition to other bureaucracy and legal procedures need to run the country.The dictator is concerned about staying in power and dictating strategies and policies,but there is a wider range of legislative work the dictator is both unable to do alone and not concerned about such as traffic law and health care,for instance.Finally,every dictators is aware that he could be overthrow by his top military commander and brought him to justice,so they make sure that laws are designed in away that make their interference in the economy,financial,corruption,or crushing on the opposition party all within a legal framework.Dictator HunSen's"salient features"of the new draft constitution intends to turn HunSen be into dictator,The lower house committee constitutional amendments started discussing in recent week of the draft constitution propose by HunSen dictator's govm't.The draft constitution itself has not been MADE PUBLIC.It isn't clear who actually wrote and submitted the "secret features",but the document makes 8 things immediately clear...I-once the new constitution is ratified,dictator HunSen will assume at once the powers of both pm and the dictator,II-Election incoming month will be into jeopardy,leaving dictator HunSen's CCP super majority in control of the legislature,III-dictator HunSen will be able to do anything during the transaction period,VI-Although the whole exercise of changing the constitution is supposed to pave the way for fascism,the draft constitution is very convoluted about implementing authoritarianism/totalitarianism,V-there is no guarantee up to when such a transition period will last,VI-The incumbent pm dictator shall exercise all the powers and functions of the head of state,head of govm't under his horrible draft constitution until the election coming.Dictator shall appoint his CCP new cabinet from among the members of parliament.Dictator shall has supervion and direction over the interim pm and cabinet.

Mar 02, 2018 01:09 PM

Ton of crimes he committed that ever never be executed

Here're ton of criminal wrongs...ton of crimes to forgave him...ton of crimes he committed with ton of crimes be unexcute...ton of crimes ever never be arrest or bought to justice...ton of crimes that he violated the international rule of law...but ton of his crimes ever never become true...that why evil dictator still kill more uuuuuuu....

Feb 06, 2018 03:15 PM

dictator Hun Sen conquering the fear election coming...

On January 7,1979 is the first day of north vietnam communist"NVC"/HunSen's foot soldiers invaded of Cambodia,war aggression,war looting,war to annexed of Cambodia,war crime without a UN or 3rd party approval,war violent the international treaty,war territory plunder,war criminal conspiracy,war to occupied and war crime against humanity.Since the first day of war invaded of Cambodia 1979-1993,the north Hanoi commie govm't had endorsed its former comradeships Hun Sen,pen Sovan,Chan Sy,Heng Samrin as their puppet govm't till today.In 1993 after the UN,superpowers/international community poured 25,000 peacemaker forces with $2 billion dollars to restored the peace process and setup a free election for all political parties.But,unfortunately the FUNCIPEC party who won the election led by prince Norodom Ranarith to defeated comrade Hun Sen's Cambodian Communist Party"CCP"with larges margin.After lost election in 1993 comrade Hun Sen rejected to step down or resign from the power and ordered the prince to keep him as two heads pm or will face a serious consequences"coup d'etat bloodshed in 1997"overthrown him.The n.Hanoi commie puppet govm't,itself publicly described it so many times,this new era the dictator was in form of NVC/CC's allied-appointed puppet governor since NVC occupied of Cambodia with the temporary endorsed comrade Pen Sovan/Chan Sy as their puppet govm't until 1984 after comrade Pen Sovan/Chan Sy rejected Hun Sen/NVC's Le Duc Tho military commander's K-5 secrets planned to sent of hundreds of thousands pple to clear the deadly landmines at northwestern provinces with thousands death and thousands wounded or still missing ever never returned home"war criminal conspiracy/war crime against humanity".Since that time all of the puppet govm't policies,accomplish law,no freedoms,undemocratic state,restriction all khmer's history in teaching school children,cultures,languages and the occupier wants Cambodian pple have to adapted their nvc's culture,languages with forbidden from the western culture,were from the puppet govm'ts appointment and direct power-notwithstand the govm't's cabinet"executive council"and legislature council,and more.

Jan 31, 2018 11:09 AM

dictator risen from rebel-->pm-->dictator-->authoritarian--war criminal conspiracy...

Secret reveal how dictator Hun Sen last longer in power with made half billion $$ than his normal average salary in million times"39s ruler".As dictatorship where he was the supreme dictator and will arrest,kill or jail to someone who dare or opposes him.People want to work only when they gain from it.In dictatorship,the people are all his slaves,and don't want to work"lazy bump",it would be better if u monarchy.U could be queen or king.Everyone would love u and work hard.U would be absolute in control and tax the happy people for money.1st-make his people as the slaves or sell them for wholesale as cheap labors,2nd-he make promises everything to the people before election coming...and then he forgot everything"do nothing",3rd-he makes arrest,jail,kill the opposites of his throne,mass murder, versus obstruction of justice if needed,4th-his military dictatorship as#1 choice,he must have a big amount troopers as needed,5th- civilian can work earning the money as the normal economy,but make sure they must pay him something back,6th-the way to make fast big money is...A-he sell his people as cheap labors,B-he sell all natural resources or leasing,C-corruption is the best choices,D-he sell all the narcotics and human slaves or sex trafficking to others ,E-he sell the arms to the countries in conflict,F-he must improves the tourism in the country,G-make sure he has allies to make him stronger so there is no dominant other superpower.Most countries economies have to be based on their natural resources or like tourism.

Jan 22, 2018 06:37 PM

ចៅច្រុុច

ពី កម្ពុជាមាតុភុមិខ្មុុំ

ខ្មុំបារម្ភខ្លាចតែកម្ពុជាក្លាយទៅជាប៉ាឡេស្ទីននៅអាសីុពីព្រាេះតែការដីកនំាបែបសព្វថ្ងៃ៕​ខ្មុំមិនហ៊ាននិយាយច្រើនទេឧទាហណ័មានច្រើនណាស់ដែលកន្លងមកហើយ៕

Jan 18, 2018 07:03 PM

មើល​មតិ​ទាំង​អស់.

គេហទំព័រ​ទាំងមូល