ព័ត៌មានសំខាន់ៗ ចំនួន ៧ ដែលលោកអ្នកគួរអាននៅថ្ងៃសុក្រនេះ
លោកនាយករដ្ឋមន្ត្រី ហ៊ុន សែន ថ្លែងកាលពីថ្ងៃទី២៦ មករា ២០២៣។
រូប៖ ហ្វេសប៊ុកលោក ហ៊ុន សែន
កម្ពុជាបន្តជាប់ឈ្មោះជាប្រទេសមានរបបដឹកនាំបែបផ្ដាច់ការក្នុងសន្ទស្សន៍ប្រជាធិបតេយ្យឆ្នាំ២០២២
កម្ពុជានៅតែបន្តជាប់ឈ្មោះជាប្រទេសមានរបបដឹកនាំតាមបែបផ្ដាច់ការ (Authoritarianism)។ នេះបើយោងតាមសន្ទស្សន៍ប្រជាធិបតេយ្យឆ្នាំ២០២២ ទើបនឹងចេញផ្សាយដោយអង្គភាពស៊ើបអង្កេតសេដ្ឋកិច្ច (Economist Intelligence Unit EIU) ដែលមានមូលដ្ឋាននៅចក្រភពអង់គ្លេស (UK)។
អានព័ត៌មានពិស្ដារ...
អ្នកធ្វើធម្មយាត្រាលើកកម្ពស់សីលធម៌សង្គមរិះគន់អាជ្ញាធរដែលតាមរំលោភសិទ្ធិពួកគាត់
ក្បួនហែធម្មយាត្រា លើកកម្ពស់សីលធម៌សង្គម រៀបចំឡើងដោយសមាគមគ្រូបង្រៀនកម្ពុជាឯករាជ្យ ឈានដល់ថ្ងៃទី២ ហើយ។ អ្នកចូលរួម នៅតែតាំងចិត្តមោះមុតធ្វើដំណើរថ្មើរជើងរាប់គីឡូម៉ែត្រ និងស្រែកអំពាវនាវឲ្យអ្នកដឹកនាំធ្វើជាគំរូល្អក្នុងសង្គម។ ទោះជាយ៉ាងណាក្ដី ក្បួនធម្មយាត្រានេះ មានសមត្ថកិច្ចស្លៀកពាក់ស៊ីវិលលួចថតរូប តាមអុកឡុក និងការហៅទៅសួរនាំរកលិខិតអនុញ្ញាតផ្សេងៗ បើទោះបីជា ក្រសួងមហាផ្ទៃអនុញ្ញាតរួចហើយក្ដី។ សង្គមស៊ីវិល ចាត់ទុកទង្វើរបស់អាជ្ញាធរ គឺជាការបំពានច្បាប់និងរំលោភសិទ្ធិពលរដ្ឋ។
អានព័ត៌មានពិស្ដារ...
តុលាការខេត្តមណ្ឌលគិរីកោះហៅសហគមន៍ ១៥នាក់ ករណីក្រុមហ៊ុនបារាំងសុកហ្វីនប្ដឹងពួកគាត់
តុលាការខេត្តមណ្ឌលគិរីបានកោះហៅប្រជាសហគមន៍ ១៥នាក់ ដើម្បីជំនុំជម្រះក្តីក្នុងរឿងវិវាទដីធ្លីរវាងក្រុមហ៊ុនសម្បទានសេដ្ឋកិច្ចសុកហ្វីន ខេ.ស៊ី.ឌី (Socfin KCD) និងជនជាតិដើមភាគតិចព្នង នៅឃុំប៊ូស្រា កាលពី ១៥ ឆ្នាំមុន ។ ប្រជាសហគមន៍ខឹងសម្បារ ចំពោះទង្វើរបស់តុលាការថា ពន្យារពេលកាត់ក្តី ក្នុងសំណុំរឿងនេះ បង្កើនឱ្យមានភាពអយុត្តិធម៌ម្តងហើយម្តងទៀត។
អានព័ត៌មានពិស្ដារ...
«យុទ្ធសាស្ត្របំបែកគណបក្សប្រឆាំងនឹងបរាជ័យ បើលោក សម រង្ស៊ី វិលចូលស្រុកវិញ»
អ្នកវិភាគនយោបាយថា យុទ្ធសាស្ត្របំបែកបំបាក់បក្សប្រឆាំងរបស់លោកនាយករដ្ឋមន្ត្រី ហ៊ុន សែន នឹងបរាជ័យ ប្រសិនបើលោក សម រង្ស៊ី និងមន្ត្រីជាន់ខ្ពស់គណបក្សសង្គ្រោះជាតិ វិលត្រលប់មកកម្ពុជាវិញទាំងក្រុម នៅអំឡុងពេលកម្ពុជារៀបចំព្រឹត្តិការណ៍ SEA Games នៅមុនការបោះឆ្នោតជាតិខែកក្កដាខាងមុខនេះ។ ការលើកឡើងនេះ ធ្វើឡើងនៅស្របពេលលោក ហ៊ុន សែន បន្តអំពាវនាវជាថ្មីម្តងទៀត ឱ្យក្រុមអ្នករិះគន់លោកនៅក្រៅប្រទេសវិលត្រលប់ចូលស្រុកវិញ។
អានព័ត៌មានពិស្ដារ...
អាមេរិក ផ្តល់ពានរង្វាន់អ្នកការពារសិទ្ធិមនុស្សសកលប្រចាំឆ្នាំឲ្យកញ្ញា ឈឹម ស៊ីថរ
ក្រសួងការបរទេសអាមេរិក នៅថ្ងៃទី២ ខែកុម្ភៈ បានផ្តល់ពានរង្វាន់អ្នកការពារសិទ្ធិមនុស្សសកលប្រចាំឆ្នាំឲ្យអ្នកការពារសិទ្ធិមនុស្សចំនួនដប់នាក់នៅជុំវិញពិភពលោក ក្នុងនោះម្នាក់ជាប្រធានសហជីពណាហ្គាវើលដ៍ កញ្ញា ឈឹម ស៊ីថរ ដែលកំពុងជាប់ពន្ធនាគារព្រៃស។
អានព័ត៌មានពិស្ដារ...
គណបក្សភ្លើងទៀនគោរពការសម្រេចរបស់លោក គង់ គាំ ដែលលាឈប់ពីគណបក្សនេះ
អ្នកនយោបាយជើងចាស់ដែលបាត់បង់ដីផ្ទះព្រោះរដ្ឋាភិបាលលោក ហ៊ុន សែន រឹបអូស កាលពីថ្មីៗ នេះ បានលាឈប់ពីគណបក្សភ្លើងទៀនហើយ។ លិខិតមួយច្បាប់របស់លោក គង់ គាំ ចុះកាលពីថ្ងៃទី៣១ ខែមករា តែទើបត្រូវបានផ្សព្វផ្សាយនៅថ្ងៃទី២ ខែកុម្ភៈនេះ ឱ្យដឹងថា លោក គង់ គាំ សម្រេចដូច្នេះ ក្រោយពេលលោកនាយករដ្ឋមន្ត្រី ហ៊ុន សែន ឈប់ប្ដឹងរូបលោក។
អានព័ត៌មានពិស្ដារ...
អ្នកឃ្លាំមើលមិនរំពឹងថា ស្ថានភាពឧក្រិដ្ឋកម្មជួញដូរមនុស្សនៅកម្ពុជាមានភាពធូរស្រាលទេ
អ្នកជំនាញផ្នែកច្បាប់មិនរំពឹងថា ស្ថានភាពនៃឧក្រិដ្ឋកម្មជួញដូរមនុស្សនៅកម្ពុជាធូរស្រាលនោះទេ ខណៈកម្ពុជានៅតែបន្តជាប់ឈ្មោះជាប្រទេសមានអំពើពុករលួយធ្ងន់ធ្ងរ ហើយរដ្ឋាភិបាលគ្មានការស៊ើបអង្កេតរកមេខ្លោងធំៗ នៅពីក្រោយខ្នងនៃឧក្រិដ្ឋកម្មនេះ។
អានព័ត៌មានពិស្ដារ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- តុលាការដោះលែងសកម្មជនគណបក្សប្រឆាំង និយមលោក កឹម សុខា គឺលោក យឹម ស៊ីណន ឱ្យនៅក្រៅឃុំបណ្ដោះអាសន្ន
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- "លោក ហ៊ុន សែន សម្ញែងនាឡិកាដៃតម្លៃរាប់លានដុល្លារ បង្ហាញថា លោកជាមេដឹកនាំពុករលួយ"
- ជប៉ុនប្រកាសមិនបញ្ជូនអ្នកសង្កេតការណ៍សំរាប់ការបោះឆ្នោតជាតិនៅខែកក្កដាខាងមុខនេះទេ
- សង្គមស៊ីវិលប្រតិកម្មនឹងក្រសួងអប់រំដែលឱ្យសិស្សឈប់សំរាកយូរដើម្បីគាំទ្រកីឡាស៊ីហ្គេម
អត្ថបទពេញនិយម
នយោបាយ
- តំណាងរាស្ត្រសភាអឺរ៉ុប ព្រមានថា នឹងមិនមានការផ្លាស់ប្ដូរឡើយ បើអឺរ៉ុបមិនដាក់សម្ពាធលើរដ្ឋាភិបាលកម្ពុជា
- ដំណើររឿងចាប់ឃុំខ្លួន និងដោះលែងលោក យឹម ស៊ីណន
- "ការពង្រីកផ្ទៃដីទ័ពអាកាសនៅរាម នឹងនាំឱ្យសង្ស័យកាន់តែខ្លាំងពីវត្តមានទ័ពចិននៅកម្ពុជា"
- ក្រុមមេដឹកនាំបក្សភ្លើងទៀនផ្ដាំមន្ត្រីកុំចាញ់ការបំភិតបំភ័យ
- អ្នកវិភាគ និងមន្ត្រីបក្សប្រឆាំងថា លោក ហ៊ុន សែន ប្រើប្រាស់អប្បិយជំនឿដើម្បីបោកពលរដ្ឋ