១ . អង្គការសង្គមស៊ីវិល៩៣ស្ថាប័នស្នើឱ្យរដ្ឋាភិបាលដោះស្រាយបញ្ហាសារព័ត៌មាន វីអូឌី (VOD) ស្របតាមច្បាប់ ស្ដីពី របបសារព័ត៌មាន
អង្គការសង្គមស៊ីវិលជាតិនិងអន្តរជាតិសរុប៩៣ស្ថាប័នទាមទារឱ្យរដ្ឋាភិបាលកម្ពុជាអនុញ្ញាតឱ្យសារព័ត៌មាន វីអូឌី ដំណើរការឡើងវិញ។ ឆ្លើយតបនឹងការទាមទារនេះលោកនាយករដ្ឋមន្រ្តី ហ៊ុន សែន ចាត់ទុកការទាមទារទាំងនេះថាជាការជ្រៀតជ្រែកផ្ទៃក្នុងកម្ពុជា។ អានព័ត៌មានពិស្តារ...
២ . ថ្នាក់ដឹកនាំវីអូឌីនៅតែសង្ឃឹមថា រដ្ឋាភិបាលនឹងផ្ដល់អាជ្ញាប័ណ្ណដល់សារព័ត៌មាននេះឡើងវិញ
បើទោះបីជាក្រសួងព័ត៌មានបានប្រកាសដកអាជ្ញាប័ណ្ណសារព័ត៌មាន វីអូឌី(VOD) ក្ដី ក៏ថ្នាក់ដឹកនាំស្ថាប័ននេះ នៅតែមានសង្ឃឹម និងកំពុងស្វែងរកដំណោះស្រាយពីភាគីពាក់ព័ន្ធផ្សេងៗទៀត ដើម្បីឱ្យរដ្ឋាភិបាលអនុញ្ញាតឱ្យសារព័ត៌មាននេះបន្តការងាររបស់ខ្លួនបាន។ មន្ត្រីអង្គការសង្គមស៊ីវិលយល់ថា រដ្ឋាភិបាលគួរតែផ្ដល់ឱកាសដល់ស្ថាប័នព័ត៌មាន វីអូឌី អាចបន្តការងាររបស់ខ្លួន ដើម្បីលើកកម្ពស់សេរីភាពសារព័ត៌មាន និងតម្លាភាពនៅកម្ពុជា។ អានព័ត៌មានពិស្តារ...
៣. មន្ត្រីសិទ្ធិមនុស្ស អ.ស.ប ហៅការបញ្ជារបស់លោក ហ៊ុន សែន ឱ្យបិទ VOD ថា ធ្វើតាម «ទំនើងចិត្ត»
ពាក់ព័ន្ធនឹងការបិទសារព័ត៌មាន (VOD)នេះដែរ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សហៅការបញ្ជារបស់លោកនាយករដ្ឋមន្ត្រី ហ៊ុន សែន ឱ្យបិទវិទ្យុសំឡេងប្រជាធិបតេយ្យ វីអូឌី (VOD) ថាទំនងជាធ្វើឡើងតាម«ទំនើងចិត្ត»។ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស លោក វ៉ូលឃើ ធើក (Volker Türk) ថ្លែងក្នុងសេចក្តីថ្លែងការណ៍ផ្សាយកាលពីថ្ងៃទី១៣ ខែកុម្ភៈ ថា លោកភ្ញាក់ផ្អើលចំពោះចំណាត់ការរបស់រដ្ឋាភិបាលបែបនេះ។ អានព័ត៌មានពិស្តារ...
៤ . HRW ៖ រដ្ឋាភិបាលកម្ពុជា « លុបបំបាត់ទាំងស្រុង » នូវសេរីភាពសារព័ត៌មាននៅកម្ពុជា
អង្គការឃ្លាំមើលសិទ្ធិមនុស្ស យូមែន រ៉ៃតស៍ វ៉ច្ឆ (Human Rights Watch) លើកឡើងថា រដ្ឋាភិបាលកម្ពុជាបាន«លុបបំបាត់ទាំងស្រុង»នូវសេរីភាពសារព័ត៌មាននៅកម្ពុជា តាមរយៈការបិទវិទ្យុសំឡេងប្រជាធិបតេយ្យ វីអូឌី (VOD)។ នាយករងទទួលបន្ទុកកិច្ចការតំបន់អាស៊ីនៃអង្គការ យូមែន រ៉ៃតស៍ វ៉ច្ឆ លោក ហ្វីល រ៉ូបឺតសុន (Phil Robertson) ថ្លែងក្នុងសេចក្តីថ្លែងការណ៍របស់អង្គការនេះផ្សាយនៅថ្ងៃទី១៤ ខែកុម្ភៈ ថា ការអត់ឱនរបស់រដ្ឋាភិបាលកម្ពុជាទៅលើទស្សនៈរិះគន់ បានធ្លាក់ចុះគួរឱ្យកត់សម្គាល់។ លោកថា ការបញ្ជារបស់លោកនាយករដ្ឋមន្ត្រី ហ៊ុន សែន ឱ្យបិទវិទ្យុ វីអូឌី គឺជាការបំផ្លាញដល់សេរីភាព ប្រព័ន្ធផ្សព្វផ្សាយនៅកម្ពុជា និងថា ការណ៍នេះនឹងមានឥទ្ធិពលនៅទូទាំងសង្គមកម្ពុជា។ អានព័ត៌មានពិស្តារ...
៥ . ទស្សនមតិរបស់ម្ចាស់គណនីហ្វេសប៊ុកជុំវិញការបិទ វីអូឌី (VOD)
បទបញ្ជាតក់ក្រហល់របស់លោកនាយករដ្ឋមន្ត្រី ហ៊ុន សែន ឱ្យបិទវិទ្យុសំឡេងប្រជាធិបតេយ្យ វីអូឌី (VOD)បានធ្វើឲ្យមជ្ឈដ្ឋានខាងក្រៅនិងក្នុងបណ្តាញសង្គមមានការភ្ញាក់ផ្អើលយ៉ាងខ្លាំង។
ពួកគេបាននាំគ្នាបញ្ចេញមតិរៀងៗខ្លួនជុំវិញរឿងនេះដោយអ្នកខ្លះបានគាំទ្រការសម្រេចរបស់រដ្ឋាភិបាលនិងខ្លះទៀតបានរិះគន់ធ្ងន់ៗនិងថ្កោលទោសទៅលើលោក ហ៊ុន សែន ថាជាការសម្រេចដោយកំហឹងនិងប្រាសចាកពីច្បាប់ស្តីពីរបបសារព័ត៌មាន។
៦ . អ្នកឃ្លាំមើលកិច្ចការសង្គមថា លោក ហ៊ុន សែន ទទួលបានមេដាយផូសៃឡានសាងពីប្រទេសឡាវគឺជារឿងសាមញ្ញ
លោកនាយករដ្ឋមន្ត្រី ហ៊ុន សែន ទទួលបានមេដាយផូសៃឡានសាង ពីនាយករដ្ឋមន្ត្រីឡាវ (Laos) លោក សនសៃ ស៊ីផាន់ដន (Mr. Sorn Sai Siphandon) កាលពីថ្ងៃទី១៣ ខែកុម្ភៈ នៅប្រទេសឡាវ (Laos)។ ទោះបីជាយ៉ាងណា អ្នកឃ្លាំមើលកិច្ចការសង្គមយល់ឃើញថា មេដាយ នេះគឺគ្រាន់តែជាការស្វាគមន៍ និងជូនទុកជាវត្ថុអនុស្សាវរីយ៍តែប៉ុណ្ណោះ។
៧ . យុវជនខ្មែរថាវរៈបង្ហោះប៉ោងប៉ោងនៅមុខពន្ធនាគារព្រះវិហារទាមទារយុត្តិធម៌ជូនកញ្ញា សេង ធារី នៅថ្ងៃទិវានៃសេចក្តីស្រឡាញ់
ក្រុមយុវជនខ្មែរថាវរៈធ្វើយុទ្ធនាការនៃទិវាសេចក្តីស្រឡាញ់នៅមុខពន្ធនាគារខេត្តព្រះវិហារដើម្បីទាមទារយុត្តិធម៌ជូនកញ្ញា សេង ធារី រួមទាំងអ្នកទោសនយោបាយនិងសកម្មជនសង្គមដែលកំពុង ជាប់ឃុំ។ មន្រ្តីសិទ្ធិ មនុស្សថា ការអំពាវនាវឱ្យរដ្ឋាភិបាលផ្តល់យុត្តិធម៌ដល់សកម្មជននយោបាយនិងសិទ្ធិមនុស្សគឺដើម្បីស្តារប្រជាធិបតេយ្យនិងការគោរពសិទ្ធិមនុស្សឡើងវិញ។ អានព័ត៌មានពិស្តារ...
៨ . តុលាការខេត្តបន្ទាយមានជ័យ ឃុំខ្លួនចាងហ្វាងកាសែតខ្មែរជាយដែន
សាលាដំបូងខេត្តបន្ទាយមានជ័យ បានសម្រេចឃុំខ្លួនបណ្ដោះអាសន្នលើចាងហ្វាងកាសែតខ្មែរជាយដែនម្នាក់ ដោយចោទប្រកាន់ពីបទ «ឆបោក» ដែលប្រព្រឹត្តឡើងកាលពីជាង៤ឆ្នាំមុន។
មន្ត្រីសង្គមស៊ីវិល និងពលរដ្ឋសង្ស័យថា ការឃុំខ្លួននេះ ជាការបង្វែរសំណុំរឿងផ្សេងមួយទៀត ត្រួតគ្នានឹងសំណុំរឿងថ្មី ដែលមន្ត្រីរាជការបានប្តឹងអ្នកកាសែតរូបនេះ បន្ទាប់ពីគាត់ បានចុះផ្សាយរឿងអាស្រូវមន្ត្រី ដែលប្រព្រឹត្តអំពើពុករលួយ។ អានព័ត៌មានពិស្តារ...
៩ . អ្នកឃ្លាំមើលថាថ្ងៃក្ដីស្រលាញ់១៤កុម្ភៈក្លាយជាថ្ងៃធម្មតាសម្រាប់ពលរដ្ឋវិញហើយ
អ្នកជំនាញសង្កេតឃើញថា ពលរដ្ឋ និងយុវជនសព្វថ្ងៃមានការយល់ដឹងច្បាស់ពីអត្ថន័យថ្ងៃនៃក្ដីស្រលាញ់និងមិនជ្រួលជ្រើមចំពោះទិវានៃក្ដីស្រលាញ់នេះដូចមុនទៀតទេ។ អានព័ត៌មានពិស្តារ...
១០ . សហព័ន្ធខ្មែរកម្ពុជាក្រោមថ្កោលទោសអាជ្ញាធរវៀតណាមដែលបន្តធ្វើទុក្ខបុកម្នេញយុវជនខ្មែរកម្ពុជាក្រោម
សហព័ន្ធខ្មែរកម្ពុជាក្រោមថ្កោលទោសអាជ្ញាធរវៀតណាមដែលបន្តធ្វើទុក្ខបុកម្នេញយុវជនខ្មែរកម្ពុជាក្រោមដែលហ៊ានប្រើប្រាស់បណ្ដាញសង្គមផ្សព្វផ្សាយពីសិទ្ធិជនជាតិដើមនៅទឹកដីកំណើត។ អាជ្ញាធរវៀតណាម បានប្រើប្រាស់វិធានការច្បាប់ ផាកពិន័យ សម្លុតបំភ័យ និងប្រើប្រាស់ហិង្សាលើយុវជនខ្មែរក្រោមពេលសួរចម្លើយពួកគេ។ អានព័ត៌មានពិស្តារ...
១១ . កូដករណាហ្គាវើលដ៍បន្តធ្វើកូដកម្មទាមទារដំណោះស្រាយការងារ
បុគ្គលិកកូដករណាហ្គាវើលដ៍ប្រមាណ៧០នាក់បន្តចេញទាមទារឱ្យថៅកែក្រុមហ៊ុនណាហ្គាវើលដ៍ដោះស្រាយវិវាទការងារដែលជាប់គាំងជាងមួយឆ្នាំ។ ក្រុមកូដករភាគច្រើនជាស្ត្រីស្រែកទាមទារនៅខាងមុខក្រុមហ៊ុនណាហ្គាវើលដ៍ដើម្បីឱ្យថៅកែក្រុមហ៊ុននេះគោរពសិទ្ធិការងារនិងជំរុញឱ្យក្រសួងពាក់ព័ន្ធចូលរួមដោះស្រាយវិវាទការងារឱ្យបានឆាប់រហ័សនៅរសៀលថ្ងៃទី១៤ខែកុម្ភៈ។ អានព័ត៌មានពិស្តារ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។