រដ្ឋមន្ត្រី​កសិកម្ម​អាស៊ាន​ឯកភាព​លើ​កិច្ចការ​ចំនួន ១០ ​ដែល​ត្រូវ​អនុវត្ត​នៅ​ឆ្នាំ​ក្រោយ

ដោយ សេក បណ្ឌិត
2020-10-23
Share
កិច្ចប្រជុំរដ្ឋមន្ត្រី​កសិកម្ម​អាស៊ាន ៩២២ កិច្ចប្រជុំរដ្ឋមន្ត្រី​កសិកម្ម​អាស៊ាន តាម​អនឡាញ កាលពី​ថ្ងៃ​ទី​២១ ខែ​តុលា ឆ្នាំ​២០២០។
រូប​ពី​ហ្វេសប៊ុក​ក្រសួង​កសិកម្ម

កិច្ចប្រជុំ​លើក​ទី​៤២ រដ្ឋមន្ត្រី​កសិកម្ម និង​ព្រៃឈើ​អាស៊ាន បាន​ឯកភាព​លើ​កិច្ចការ​ចំនួន​១០ សម្រាប់​វិស័យ​ផលិតកម្ម​សត្វ ដំណាំ ជលផល និង​ព្រៃឈើ ដែល​ត្រូវ​អនុវត្ត​នៅ​ក្នុង​ឆ្នាំ​២០២១​ខាងមុខ។

ក្រៅ​ពី​នេះ​កិច្ចប្រជុំ​ដដែល ក៏​បាន​សម្រេច​បាន​នូវ​លទ្ធផល​ប្រមាណ ១០​ចំណុច ក្នុង​នោះ​រួមមាន​ការ​អនុមតិ​លើ​ឯកសារ​ទស្សនាទាន ស្តីពី​ការ​លើក​កម្ពស់​បណ្ដាញ​សម្រាប់​ការ​អភិវឌ្ឍ​ផលិតផល​ជនបទ របស់​អាស៊ាន​តាម​បែប​«​ភូមិ​មួយ​ផលិត​មួយ​» ដើម្បី​លើកកម្ពស់​ការ​ច្នៃប្រឌិត​នៅ​តាម​សហគមន៍​ក្នុង​ការ​អភិវឌ្ឍ​ឧស្សាហកម្ម​ជនបទ និង​សហគ្រាស​ធុន​តូច និង​មធ្យម​នៅ​ជនបទ ដើម្បី​ធ្វើ​ឲ្យ​ប្រសើរ​ឡើង​នូវ​ប្រាក់ចំណូល​សម្រាប់​ពលរដ្ឋ​នៅ​តាម​ជនបទ និង​ចូលរួម​ជួយ​ដល់​ការ​អភិវឌ្ឍ​សេដ្ឋកិច្ច​សង្គម​នៃ​ប្រទេស​នីមួយៗ​ប្រកបដោយ​ភាព​វិជ្ជមាន។

កិច្ចប្រជុំ​លើក​ទី​៤២ រដ្ឋមន្ត្រី​កសិកម្ម និង​ព្រៃឈើ​អាស៊ាន ធ្វើឡើង​ក្នុង​ក្របខ័ណ្ឌ​អាស៊ាន​ពី​ចម្ងាយ​តាម​ប្រព័ន្ធ​វីដេអូ ដែល​ភាគី​កម្ពុជា​ដឹកនាំ​ដោយ រដ្ឋមន្ត្រី​ក្រសួងកសិកម្ម រុក្ខា​ប្រមាញ់ និង​នេសាទ លោក វេង សាខុន កាលពី​ថ្ងៃ​ទី​២១ ខែ​តុលា ឆ្នាំ​២០២០៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។