རྡོར་གདན་དུ་༧གོང་ས་མཆོག་གིས་གསར་འབྱོར་བོད་མིར་བཀའ་སློབ།


2016-12-29
Share
རྡོར་གདན་དུ་༧གོང་ས་མཆོག་གིས་གསར་འབྱོར་བོད་མིར་མཇལ་ཁ་བཀའ་སློབ། ༢༠༡༦།༡༢།༢༩། ༧གོང་ས་མཆོག་ནས་མ་ཧ་བྷོ་དྷི་ལྷ་ཁང་དུ་གནས་གཟིགས་ཐུགས་སྨོན་གནང་འདུག
༧དཔལ་ལྡན་སྐུ་སྒེར་དྲ་གནས།

༄༅། །དེ་རིང་ཕྱི་ཚེས་༢༩རྡོར་རྗེ་གདན་དུ་ཆིབས་བསྒྱུར་ཉིན་གཉིས་པའི་སྔ་དྲོ་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བོད་ནས་གནས་སྐོར་ལ་ཕེབས་པའི་བོད་མི་ཁག་ཅིག་ལ་དམིགས་བསལ་མཇལ་ཁ་དང་བཀའ་སློབ་བསྩལ་ཡོད་པ་དང། དེ་ནས་མ་ཧ་བྷོ་དྷི་ལྷ་ཁང་དུ་གནས་གཟིགས་ཐུགས་སྨོན་གནང་འདུག། དུས་འཁོར་དབང་ཆེན་གོ་སྒྲིག་ཚོགས་ཆུང་གི་ཚོགས་གཙོ་ཆོས་རིགས་བཀའ་བློན་ཀརྨ་དགེ་ལེགས་མཆོག་དང་། བདེ་སྲུང་བཀའ་བློན་འཕགས་པ་ཚེ་རིང་མཆོག་རྣམ་གཉིས་ལྷན་བཅར་ཞུས་འདུག ཁ་སང་ཕྱི་ཚེས་ ༢༨  ཉིན་གྱི་སྔ་དྲོ་ཆུ་ཚོད་ ༡༡ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་གྱི་རྒྱལ་ས་ལྡི་ལི་ནས་མཁའ་ལམ་བརྒྱུད་རྒྱ་གར་བྱང་ཕྱོགས་བྷི་ཧར་མངའ་སྡེའི་རྒྱལ་ས་པ་ཊི་ནཱར་༸ཞབས་སོར་བདེ་བར་འཁོད་སྐབས་གནམ་ཐང་དུ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ ནི་ཏིཤ་ ཀུ་མར (Nitish Kumar) མཆོག་གིས་འཚམས་འདྲིའི་ཕེབས་བསུ་ཞུས་ཡོད་པ་རེད།
དེ་རྗེས་མགོན་པོ་གང་ཉིད་མཆོག་སྤྱི་ཁྱབ་བློན་ཆེན་མཆོག་དང་ལྷན་ཁུལ་དེར་ཡོད་པའི་སྟོན་པ་རྗེས་དྲན་གྱི་སྐྱེད་མོས་ཚལ་དུ་ཆིབས་སྒྱུར་བསྐྱངས། སྐབས་དེར་ཐོག་མར་༸གོང་ས་མཆོག་དང་སྤྱི་ཁྱབ་བློན་ཆེན་རྣམ་གཉིས་ཀྱིས་སྟོན་པ་རྗེས་དྲན་གྱི་སྐྱེད་མོས་ཚལ་དུ་ཡོད་པའི་ཀ་རུ་ནྰ་ མཆོད་རྟེན( Karuna Stupa) ཞེས་པའི་མཆོད་རྟེན་གྱི་མདུན་དུ་སྣང་གསལ་ཞལ་ཕྱེ་མཛད་རྗེས། ནང་པའི་དགེ་འདུན་པ་ཁག་གཅིག་གིས་པཱ་ལིའི་སྐད་ཐོག་སྨོན་ལམ་གསུང་འདོན་གནང་བསྟུན་རྣམ་རྒྱལ་གྲྭ་ཚང་གི་དགེ་འདུན་པ་རྣམས་ཀྱིས་བོད་སྐད་དང་། དེ་རྗེས་ཉི་ཧོང་གི་སྐད་ཐོག་སྨོན་ལམ་གསུང་འདོན་གནང་བ་དང་། དེ་རྗེས་མགོན་པོ་གང་ཉིད་མཆོག་ལ་སྤྱི་ཁྱབ་བློན་ཆེན་མཆོག་གིས་བཞུགས་གནས་སུ་གདན་ཞུས་ཀྱིས་ཉིན་གུང་ལྗགས་སྨིན་འདེགས་འབུལ་དང་སྦྲགས་ཕྱག་ཚོད་ཕྱེད་ཀ་ལྷག་ཙམ་རིང་བཀའ་མོལ་མཛད་སྐབས་དེར་མངའ་སྡེའི་སྤྱི་ཁྱབ་བློན་ཆེན་གཞོན་པ་དང་གནད་ཡོད་མི་སྣ་ཁག་ཅིག་ཀྱང་ཆེད་བཅར་ཞུས་འདུག།

གསར་འགོད་པ་རིག་ལྡན་སྒྲོལ་མ།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎