ར་ཤི་ཡ་དང་རྒྱ་ནག་ཏུ་འཚམས་གཟིགས།


2013.10.20
སྲིད་བློན་མན་མོ་ཧན་སིངྷ་མཆོག་ར་ཤི་དང་རྒྱ་ནག་གཉིས་སུ་རྒྱལ་དོན་འཚམས་གཟིགས་སུ་ཕྱིར་ཐོན་གནང་བ།
ཨེ་ཨེཕ་པི།

༄༅༎ར་ཤི་ཡ་དང་རྒྱ་ནག་རྒྱལ་ཁབ་གཉིས་སུ་རྒྱལ་དོན་མཚམས་གཟིགས་གནང་ཆེད། འདི་ཚེས་ ༢༠ ཉིན་རྒྱ་གར་གྱི་སྲིད་བློན་ Manmohan Singh མཆོག་རྒྱལ་ས་ལྡི་ལི་ནས་ཕྱིར་ཐོན་གནང་འདུག  དེ་ཡང་གནས་ཚུལ་ནང་འཁོད་གསལ་ལ་གཞིགས་ན། རྒྱ་གར་གྱི་སྲིད་བློན་ Manmohan Singh ནས་ཟླ་བ་འདིའི་ཚེས་ ༢༠ ནས་ ༢༢ བར་ཉིན་གྲངས་གཉིས་རིང་ར་ཤི་ཡའི་ནང་རྒྱལ་དོན་འཚམས་གཟིགས་གནང་རྒྱུ་ཡིན་པ་དང༌།  སྐབས་དེར་ཁོང་གིས་ར་ཤི་ཡའི་སྲིད་འཛིན་ Vladimir Putin ལྷན་དུ་མཇལ་འཕྲད་ཀྱིས་ཡུལ་གཉིས་དབར་གྱི་ཚོང་དོན་དང་དྲག་པོའི་འབྲེལ་ལམ་སྤྱི་དང༌། ལྷག་པར་དུ་རྒྱ་གར་ལྷོ་ཕྱོགས་ Tamil Nadu མངའ་སྡེའི་ནང་རྟེན་གཞི་བྱས་པའི་ Kudankulam རྡུལ་ཕྲན་བཟོ་གྲྭའི་ནང་རྡུལ་ཕྲན་ནུས་ཤུགས་ལ་རྟེན་ནས་གློག་ཤུགས་མཁོ་འདོན་བྱ་རྒྱུར་དགོས་མཁོ་ཆེ་བའི་འཕྲུལ་རིགས་ཁག་ཅིག་ར་ཤི་ཡ་ནས་རྒྱ་གར་ལ་ཚོང་འགྲེམས་ཡོང་ཐབས་བཅས་པའི་སྐོར་གྲོས་མོལ་གནང་འཆར་ཡོད་པ་དང༌། དེ་ནས་ར་ཤི་ཡའི་ནང་ཉིན་གྲངས་གཉིས་ཀྱི་རྒྱལ་དོན་འཚམས་གཟིགས་གྲུབ་པའི་རྗེས། སྲིད་བློན་Manmohan Singh རྒྱ་ནག་ཏུ་ཆེད་ཕེབས་ཀྱིས། ཡུལ་དེའི་སྲིད་བློན་ Li Keqiang གྱི་ལྷན་དུ་མཇལ་འཕྲད་གྲོས་མོལ་གནང་རྒྱུའི་གནད་དོན་གཙོ་བོའི་གྲས་སུ།ཡུལ་གྲུ་ཕན་ཚུན་དབར་རྒྱུག་བཞིན་པའི་གཙང་པོའི་ཆུ་བེད་སྤྱོད་བྱ་ཕྱོགས་དང༌།རྒྱལ་ཁབ་གཉིས་དབར་ཚོང་གི་འགྲོ་རྒྱུགས་ཁ་མི་ཟླུམ་པའི་བར་ཁྱད་ཀྱི་དཀའ་ངལ་སེལ་ཕྱོགས།དེ་བཞིན་ཡུལ་གྲུ་གཉིས་དབར་ས་མཚམས་ཀྱི་རྩོད་རྙོག་འཕྲད་བཞིན་པ་བཅས་པའི་སྐོར་བཀའ་བསྡུར་གནང་རྒྱུ་ཡིན་འདུག།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎