༄༅༎ཕྱི་ཟླ་༣ཚེས་༣རེས་གཟའ་སྤེན་པའི་ཉིན་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བོད་མི་གསུམ་ནས་ཨ་རིའི་གྲོང་ཁྱེར་ནིའུ་ཡོརྐ་འཛམ་གླིང་མཉམ་འབྲེལ་རྒྱལ་ཚོགས་ཀྱི་མདུན་དུ་དུས་ཚད་ངེས་མེད་ཀྱི་ཟས་བཅད་ངོ་རྒོལ་གྱི་ལས་འགུལ་སྤེལ་ནས་ཉིན་གྲངས་བཅུ་འཁོར་བའི་ཉིན་རྒྱ་རིགས་མང་གཙོ་དོན་གཉེར་བ་ཡང་ཅིང་ལི་ཡིས་ངོ་རྒོལ་བ་རྣམས་འཚམས་འདྲི་དང་བོད་དོན་ལ་རྒྱབ་སྐྱོར་མཚོན་ཆེད་ཆུ་ཚོད་བདུན་ཙམ་ངོ་རྒོལ་བའི་ལྷན་བཞུགས་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བསྟན་འཛིན་བདེ་སྐྱིད་ལགས་ནས་གནས་ཚུལ་བཏང་བར་གསན་རོགས༎
