ཡོ་རོབ་གྲོས་ཚོཊ་སུ་བོད་ཀྱི་དོན་གཉེར་ལྷན་ཚོགས་ཐེངས་དང་པོ།

༢༠༡༧་ལོའི་ཡོ་རོབ་གྲོས་ཚོགས་ཀྱི་འཐུས་མི་ལས་གྲུབ་པའི་བོད་ཀྱི་དོན་གཉེར་ལྷན་ཚོགས་དང་པོ་དེ་ཡོ་རོབ་གྲོས་ཚོགས་སུ་བསྐོངས་ཚོགས་གནང་འདུག
དེ་ཡང་བཙན་བྱོལ་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་དོན། སྤྱི་ཚེས་༢༥་ཉིན། ༢༠༡༧་ལོའི་བོད་ཀྱི་དོན་གཉེར་ལྷན་ཚོགས་དང་པོ་དེ་ཡོ་རོབ་གྲོས་ཚོགས་སུ་བསྐོངས་འཚོགས་གནང་ཡོད་པ་དང་། ཡོ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པ་བོད་ཀྱི་དོན་གཉེར་ཚོགས་པའི་འགན་འཛིན་དང་། ཡོ་རོབ་གྲོས་ཚོགས་ཀྱི་འཐུས་མི་སྐུ་ཞབས (Thomas Mann)ལགས་ཀྱིས་ཚོགས་འདུ་གཙོ་སྐྱོང་གནང་བ་དང་། ལྷན་ཚོགས་སྟེང་ཡོ་རོབ་གྲོས་ཚོགས་ཀྱི་འཐུས་མི་སྐུ་ཞབས་(Csabasogor)་ལགས་དང་། (Laszlo Tokes)ལགས། (Nathalie Griesbeck)ལགས། (Tunne Kelam)ལགས་སོགས་ཡོ་རོབ་གྲོས་ཚོགས་ཀྱི་འཐུས་༡༦་ལྷན་ཞུགས་གནང་འདུག
ཚོགས་འདུའི་བརྗོད་གཞི་གཙོ་བོ་དེ་ལོ་སྔོན་མའི་སྤྱི་ཟླ་༡༢་པའི་ནང་ཡོ་རོབ་གྲོས་ཚོགས་སུ་བཞག་གནང་པའི་བླ་རུང་སྒར་ཛ་དྲག་གྲོས་ཆོད་གྱི་རྗེས་མཐུད་ལས་དོན་བསྒྲུབ་ཕྱོགས་སྐོར་ཡིན་པ་རེད།
ཚོགས་འདུའི་སྐབས་བོད་དོན་རྒྱབ་སྐྱོར་ཚོགས་པ་བོད་ཀྱི་དོན་གཉེར་ཚོགས་པའི་འགན་འཛིན་དང་། ཡོ་རོབ་གྲོས་ཚོགས་ཀྱི་འཐུས་མི་སྐུ་ཞབས Thomas mann་ལགས་ཀྱིས་༢༠༡༧ ལོའི་བོད་ཀྱི་དོན་གཉེར་ལྷན་ཚོགས་དང་པོ་དེ་ཡོ་རོབ་གྲོས་ཚོགས་སུ་བསྐོངས་ཐུབ་པར་དགའ་བསུ་ཞུས་པ་དང་ཆབས་ཅིག འཐུས་མི་མང་ཆེ་བས་གྲོས་ཆོད་དེར་མོས་མཐུན་གནང་ཡོད་པས། དེ་ཡིས་རྒྱ་ནག་གཞུང་ལ་བརྡ་ལན་གསལ་བོ་ཞིག་སྤྲད་ཡོད་ཅེས་གསུངས་འདུག
གྲོས་ཆོད་དེ་ཟིན་བྲིས་སུ་འདེབས་མཁན་གྱི་གྲས་སྐུ་ཞབས་ཐོ་མ་སི་མཆོག་གིས་བོད་ཀྱི་གྲོགས་པོ་ཚོས་མུ་མཐུད་ནས་རྒྱ་ནག་གི་སྒེར་སྡེམ་རིང་ལུགས་སྲིད་དབང་ལ་རྡུང་རྡེག་བྱེད་དགོས་ཞེས་ཀྱང་གསུངས་འདུག
དེ་བཞིན་སྐུ་ཞབས་Kelam་ལགས་ཀྱིས་ཡོ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་དང་འབྲེལ་བའི་ལས་དོན་སྐོར་མཚམས་སྦྱོར་གསལ་བོ་གནང་བ་དང་སྦྲགས། ཡོ་རོབ་གྲོས་ཚོགས་ཀྱི་བྱེད་ནུས་ནི་རིན་ཐང་གི་ལྟ་བ་དང་། དཔལ་འབྱོར་ཁེ་བཟང་སྙོམས་སྒྲིག་བྱེད་རྒྱུ། མཐུན་རྐྱེན་བསྐྲུན་ཏེ་བོད་ཀྱི་ངོ་བོ་སྲུང་སྐྱོབ་བྱེད་རྒྱུ་དེ་ཡིན་ཞེས་གསུངས་གནང་འདུག
ཡོ་རོབ་གྲོས་ཚོགས་ནི་བོད་དོན་ལ་རྒྱབ་ཚོགས་གནང་མཁན་སྒྲིག་འཛུགས་ཆེ་ཤོས་ཤིག་ཡིན་པ་རེད།

གསར་འགོད་པ་སྟག་ལྷ་རྒྱལ།