རྒྱ་གར་རྒྱལ་ཡོངས་ལ་གློག་ཆད་འདུག

རེས་གཟའ་ཟླ་བའི་ཉིན་རྒྱ་གར་རྒྱལ་ཡོངས་སུ་གློག་ཆད་པའི་རྐྱེན་གྱིས། རྒྱ་གར་གྱི་ས་ཁུལ་ཕྱེད་ཀ་ལྷག་ལ་གློག་མེད་པར་དེ་རིང་གིས་ཉིན་གཉིས་བ་ཡིན་འདུག

2012.07.31

རྒྱ་གར་གྱི་བྱང་ཕྱོགས་དང༌། བྱང་ཤར། ཤར་ཕྱོགས་ས་ཁུལ་ནང་དུ་ཡོད་པའི་གློག་གི་མཁོ་འདོན་བྱེད་མཁན་དང་གློག་མཁོ་སྤྲོད་བྱེད་ཡུལ་གཉིས་དབར་གྱི་འབྲེལ་མཚམས་ལ་གནོད་སྐྱོན་བྱུང་བར་བརྟེན་ནས། མི་དམངས་ས་ཡ་༦༠༠ ལྷག་ལ་གློག་མེད་པའི་དཀའ་ངལ་འཕྲད་མུས་མ་ཟད། རྒྱ་གར་གྱི་ཤར་ཕྱོགས་མངའ་སྡེ་West Bengal ནང་དུ་གློག་ཆད་པའི་རྐྱེན་གྱིས་གཏེར་ཁ་སྔོག་འདོན་བྱེད་མཁན་བརྒྱ་ཕྲག་མང་པོ་ས་འོག་ཏུ་ལུས་པ་དང༌། རྒྱལ་ས་ལྡི་ལི་གཙོས་པའི་རྒྱ་གར་རྒྱལ་ཡོངས་ནང་རི་ལའི་འགྲིམས་འགྲུལ་གནས་སྐབས་འགག་པའི་གནས་ཚུལ་བྱུང་ཡོད་པ་མ་ཟད། དེ་རིང་ཡང་རྒྱ་གར་གྱི་ས་ཁུལ་ཕྱེད་ཀ་ལྷག་ལ་མུ་མཐུད་གློག་མེད་པའི་དཀའ་ངལ་འཕྲད་བཞིན་ཡོད་པ་རེད། འོན་ཀྱང་རྒྱ་གར་གྱི་འབྲེལ་ཡོད་དཔོན་རིགས་ནས། ཁོང་ཚོས་གློག་གང་མགྱོགས་མཁོ་འདོན་ཐུབ་པའི་ལས་ཀ་བྱེད་མུས་ཡིན་པ་མ་ཟད། མི་དམངས་ལ་གློག་གང་མགྱོགས་མཁོ་འདོན་ཐུབ་པ་བྱ་རྒྱུ་ཡིན་ཞེས་གསུང་ཡོད་པ་རེད། རྒྱ་གར་གཞུང་གི་གློག་གི་ནུས་ཤུགས་བློན་ཆེན་གྱིས་གསར་འགོད་པར། རེས་གཟའ་ཟླ་བའི་ཉིན་དགུང་ཚོུད་༡ པོར་གློག་མཁོ་འདོན་བྱེད་ཡུལ་དུ་གནོད་སྐྱོན་བྱུང་སྟེ། མི་ཚང་མ་ལས་ཀ་བྱེད་པའི་དུས་ཚོད་དུ་འཁེལ་ཡོད་སྟབས། ལས་དོན་མང་པོར་འགོག་རྐྱེན་འཕྲད་ཡོད་པའི་སྐོར་གསུང་ཡོད་ཅིང༌། རྒྱ་གར་གྱི་Uttar Pradesh ནང་དུ་རི་ལིའི་འགྲིམས་འགྲུལ་ཡོངས་རྫོགས་འགག་པ་དང༌། དེ་བཞིན་རྒྱ་གར་ཤར་ཕྱོགས་སུ་མཚོན་ན། གྲོང་ཁྱེར་Kolkata ནང་གློག་མེད་པའི་བྱུང་རྐྱེན་ནི། ནུབ་Bengal ནང་དུ་ཡོད་པའི་གློག་མཁོ་འདོན་བྱེད་ཡུལ་དེ་ནས། དེའི་ཉེ་འཁྲིས་ཀྱི་མངའ་སྡེ་ལྔའི་ནང་གློག་འདོན་བྱེད་པར་བརྟེན། གློག་མཁོ་འདོན་གྱི་ཚད་གཞི་ལས་བརྒལ་བར་བརྟེན་ནས། གློག་མཁོ་འདོན་བྱེད་ཡུལ་ལ་སྐྱོན་ཆགས་བྱུང་བ་ཡིན་པའི་སྐོར་བཀོད་བཞག

བལྟ་བཤེར་མང་ཤོས་བྱས་པའི་གནས་ཚུལ།
RFA
སྲིད་སྐྱོང་མཆོག་གིས་ཁེ་ཎ་ཌའི་ནང་ཆོས་ཚོགས་ཁག་གི་དབུ་འཛིན་དང་གཞོན་སྐྱེས་ཁག་བཅས་དང་མཇལ་འཕྲད་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཆོས་རིག་དྲུང་ཆེ་འཆི་མེད་ཚེ་དབྱངས་ལགས་དགུང་གྲངས་༥༢ཐོག་འདས་གྲོངས་སུ་ཕྱིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎