༧གོང་ས་མཆོག་ནས་དེང་ཀྱི་དུས་ཚོད་འདིར་བཟང་སྤྱོད་ཀྱི་དགོས་མཁོ་ཆེན་པོ་ཡོད་པའི་སྐོར་བཀའ་སློབ་བསྩལ་བ།


2017.12.26
དེང་ཀྱི་དུས་ཚོད་འདིར་བཟང་སྤྱོད་ཀྱི་དགོས་མཁོ་ཆེན་པོ་ཡོད་པའི་སྐོར་བཀའ་སློབ་བསྩལ་བ། ༧གོང་ས་མཆོག་ནས་ཏུམ་ཀུར་གཙུག་ལག་སློབ་གྲྭ་ཆེན་མོའི་ནང་དེང་ཀྱི་དུས་ཚོད་འདིར་བཟང་སྤྱོད་ཀྱི་དགོས་མཁོ་ཆེན་པོ་ཡོད་པའི་བརྗོད་གཞིའི་ཐོག་བཀའ་སློབ།
དགའ་ལྡན་ཕོ་བྲང་།

༄༅། །བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས། དེ་རིང་རྒྱ་གར་ལྷོ་ཕྱོགས་ཀར་ན་ཊ་ཀའི་ Tumkur གཙུག་ལག་སློབ་གྲྭ་ཆེན་མོའི་ནང་། དེང་ཀྱི་དུས་ཚོད་འདིར་བཟང་སྤྱོད་ཀྱི་དགོས་མཁོ་ཆེན་པོ་ཡོད་པའི་བརྗོད་གཞིའི་ཐོག་བཀའ་སློབ་གསུང་བཤད་བསྩལ་གནང་མཛད་ཡོད་འདུག
དེ་ཡང་དབུས་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་སྤེལ་བར་གཞིགས་ན། ཐེངས་འདིའི་བཀའ་སློབ་གསུང་བཤད་ཀྱི་ལས་རིམ་འདི་བཞིན་ Tumkur གཙུག་ལག་སློབ་གྲྭ་ཆེན་མོ་དང༌། བྱེས་ཀྱི་གདན་ས་ཆེན་པོ་སེ་ར་བྱེས་གཉིས་ཟུང་འབྲེལ་གྱི་ཐོག་ནས་གོ་སྒྲིག་གནང་བ་ཞིག་ཡིན་པ་དང༌། གསུང་བཤད་ཉན་པར་ཡོང་མཁན་དགེ་ལས་སློབ་ཕྲུག་ཉིས་སྟོང་ལྔ་བརྒྱ་ཙམ་འདུ་འཛོམས་བྱུང་བ་རྣམས་ལ། ༧གོང་ས་༧སྐྱབས་མགོན་ཆེན་པ་མཆོག་གིས་འཛམ་གླིང་འདིའི་སྟེང་ཆོས་ལུགས་མི་འདྲ་བ་མང་པོ་ཡོད་པ་རྣམས་ཀྱི་ད་བར་ལྟ་བ་མི་འདྲ་བའི་ཁྱད་པར་ཡོད་ཀྱང༌། ཆོས་ལུགས་ཚང་མའི་ནང་བྱམས་པ་དང་བརྩེ་བའི་སྐོར་གསུང་གི་ཡོད། རྒྱ་གར་ལ་ཆ་བཞག་པ་ཡིན་ན། རྒྱལ་ཁབ་འདིའི་ནང་ཆོས་ལུགས་མི་འདྲ་བ་ཚང་མ་མཉམ་གནས་བྱེད་ཐུབ་ཀྱི་ཡོད་པ་ནི་ཧ་ཅང་གི་རིན་ཐང་ཆེན་པོ་ཡིན། ཚན་རིག་པ་དང་ཤེས་ཡོན་གྱི་སློབ་གསོའི་ལས་དོན་སྤེལ་མཁན་ཚང་མས། མི་ཚེའི་ནང་དེང་དུས་ཀྱི་ཤེས་ཡོན་གཅིག་པུས་འདང་གི་མེད་པའི་དགོངས་ཚུལ་གཅིག་མཚུངས་གསུང་གི་ཡོད། དེ་འདྲ་ཡིན་ཙང་མི་ཚེ་སྐྱིད་པོ་ཞིག་དང་སྤྱི་ཚོགས་ནང་ཞི་བདེ་དང་འཆམ་མཐུན་དགོས་ཀྱི་ཡོད་ན། ལུས་ཀྱི་འཕྲོད་བསྟེན་ལ་བདག་གཅེས་བྱས་པ་ནང་བཞིན་ནང་སེམས་ཀྱི་འཕྲོད་བསྟེན་ཡར་རྒྱས་གཏོང་རྒྱུར་ཡང་འབད་བརྩོན་བྱེད་དགོས་པ་ཡིན། ནང་སེམས་འཕྲོད་བསྟེན་ཡར་རྒྱས་གཏོང་རྒྱུའི་ཆེད་སློབ་གྲྭ་ཁག་གི་སློབ་ཚན་ནང་དེང་དུས་ཀྱི་ཤེས་ཡོན་མཉམ་དུ་གནའ་བོའི་རྒྱ་གར་གྱི་རིག་གནས་དང་དམིགས་བསལ་སེམས་ལ་འགྱུར་བཅོས་གཏོང་རྒྱུའི་ཐབས་ལམ་བསྟན་པའི་རིག་གནས་ཁག་འཇོག་དགོས་པ་གལ་ཆེན་པོ་ཡིན་པ་སོགས་ཀྱི་བཀའ་སློབ་བསྩལ་གནང་མཛད་ཡོད་པའི་གནས་ཚུལ་བཀོད་འདུག།
གསར་འགོད་པ་ངག་དབང་ཆོས་འཕེལ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎