བྷོ་ཚི་ཝ་ནཱའི་སྲིད་འཛིན་གྱིས་༧གོང་ས་མཆོག་ལ་མཇལ་འཆར་འདུག

བོད་ཀྱི་བླ་ན་མེད་པའི་དབུ་ཁྲིད་༧གོང་ས་སྐྱབས་མགོན་ཆེན་པོ་མཆོག་རིང་མིན་ཕྱི་ཟླ་བརྒྱད་པའི་ནང་གླིང་ཆེན་ཨ་ཧྥི་རི་ཀའི་ཡུལ་གྲུ་བྷོ་ཚི་ཝ་ནཱར་ཆིབས་བསྒྱུར་གནང་སྐབས་ཡུལ་དེའི་སྲིད་འཛིན་(Ian Khama)་ལགས་ཀྱིས་མཇལ་འཕྲད་ཞུ་འཆར་ཡོད་འདུག
དེ་ཡང་ཕྱི་ཚེས་༡༢་གཟའ་ལྷག་པར་བྷོ་ཚི་ཝ་ནཱ་གཞུང་གིས་སྤེལ་བའི་གསལ་བསྒྲགས་ནང་། ཁྱད་དུ་འཕགས་པའི་སྐྱེ་བོ་གང་ཉིད་ཀྱི་འཚམས་གཟིགས་འདིའི་ཐོག་ནས་ཡ་རབས་སྤྱོད་བཟང་གོང་སྤེལ་གཏོང་ནུས་པ་ཞིག་ཡིན་ཞེས་དང་། ཡང་༧གོང་ས་ཏཱ་ལའི་བླ་མ་མཆོག་བྷོ་ཚི་ཝ་ནཱ་རུ་ཆིབས་བསྒྱུར་གནང་བའི་སྐབས་སུ་རྒྱལ་ཁབ་དེའི་སྲིད་འཛིན་གྱིས་མཇལ་ཁ་ཞུ་རྒྱུ་ཡིན་ཞེས་གསལ་བསྒྲཊ་གནང་ཡོད་པ་རེད།
༧གོང་ས་མཆོག་ཕྱི་ཟླ་༨་པའི་ཚེས་༡༧་ནས་༡༩་བར་བྷོ་ཚི་ཝ་ནཱ་ཡི་རྒྱལ་ས་(Gaborone)གྲོང་ཁྱེར་དུ་ཡོད་པའི་བྷོ་ཚི་ཝ་ནཱ་སློབ་གྲྭ་ཆེན་མོའི་ནང་ཚོཊ་རྒྱུའི་སེམས་དང་སྲོག་གི་བགྲོ་གླེང་ཚོཊ་འདུར་དབུ་བཞུགས་གནང་རྒྱུ་ཡིན་པ་མ་ཟད། མི་མང་ལ་བཀའ་སློབ་གནང་རྒྱུ་སོཊ་ཀྱི་མཛད་འཆར་ཡང་ཡོད་འདུག
བྷོ་ཚི་ཝ་ནཱ་ཡི་སེམས་དང་སྲོག་གི་བགྲོ་གླེང་ཚོཊ་འདུ་དེའི་ཐོག་ཨ་ཧྥི་རི་ཀའི་འགྲོ་བ་མིའི་བདེ་རྩ་དོན་གཉེར་མཁན་དང་ཆོས་ལུགས་ཀྱི་དབུ་ཁྲིད། མཁས་དབང་སོཊ་ཀྱིས་༧གོང་ས་མཆོག་གིས་གཙོས་རྒྱལ་སྤྱིའི་དབང་རྩའི་ཚན་རིག་ཆེད་མཁས་པ་རྣམས་དང་ལྷན་དུ། ཨ་ཧྥི་རི་ཀའི་Botho/Ubuntu་ཞེས་གཅིག་ལ་གཅིག་བསྟུན་གྱི་ལྟ་གྲུབ་ཐོག་བགྲོ་གླེང་གནང་རྒྱུ་ཡིན་པ་དང་། བྷོ་ཚི་ཝ་ནཱ་ཡི་སྲིད་འཛིན་ Ian Khama མཆོག་གིས་ཚོཊ་འདུ་དེའི་དབུ་འབྱེད་གསུང་བཤད་གནང་འཆར་ཡོད་འདུག
ཨ་ཧྥི་རི་ཀའི་(Botho/Ubuntu)་ཞེས་པའམ་གཅིག་ལ་གཅིག་བསྟུན་གྱི་ལྟ་གྲུབ་དེ་ནི་༧གོང་ས་སྐྱབས་མཆོག་ཆེན་པོ་མཆོག་གི་དགོངས་བཞེད་དང་མཐུན་པ་ཞིག་ཡིན་པས། ཚོཊ་འདུ་དེ་བརྒྱུད་ཨ་ཧྥི་རི་ཀའི་ནང་ནང་སྤྱོད་བཟང་གོང་སྤེལ་དང་སྤྱི་ཚོཊ་དྲང་བདེན། ཕོ་མོ་འདྲ་མཉམ་བཅས་ལ་ཕན་ཐོགས་འབྱུང་རྒྱུ་ཡིན་སྐོར་ཚོཊ་འདུ་གོ་སྒྲིག་པས་བརྗོད་ཡོད་པ་རེད།
བྷོ་ཚི་ཝ་ནཱ་རྒྱལ་ཁབ་ནི་རྒྱ་ནག་དང་ཚོང་འབྲེལ་རྒྱ་ཆེ་ཡོད་མཁན་ཞིག་ཡིན་ཞིང་། རྒྱ་ནག་གཞུང་གིས་དུས་རྒྱུན་༧གོང་ས་མཆོག་གི་ཆིབས་བསྒྱུར་གནང་ཡུལ་རྒྱལ་ཁབ་ཁག་ལ་སྐྱོན་བརྗོད་དང་བཅས་ཕྱི་འབྲེལ་ཐོག་གནོད་སྐྱོན་ཕོག་རྒྱུ་ཡིན་ལུགས་ཀྱི་ཉེན་བརྡ་གཏོང་གི་ཡོད་སྟབས། རྒྱལ་ཁབ་འདིར་ཡང་གཅིག་མཚུངས་ཀྱི་སྐྱོན་བརྗོད་བྱེད་སྲིད་པའི་དབྱེ་ཞིབ་བྱེད་མཁན་ཡང་བྱུང་བཞིན་པ་རེད།

གསར་འགོད་པ་རྡོ་རྗེ་མཚོ།