༄༅༎ཉེ་ཆར་རེས་གཟའ་ཉི་མའི་ཉིན་ལྷོ་ཀོ་རིཡ་ཡི་རྒྱལ་ས་ སི་ཡོལ ནང་རྒྱ་ནག་ནང་ཚུགས་རྒྱུའི་ཨོ་ལིམ་པིཀ་རྩེད་འགྲན་གྱི་དཔལ་འབར་་སྐོར་བསྐྱོད་སྐབས་རྒྱ་མི་རིགས་ཁག་ཅིག་གིས། རྒྱ་ནག་ལ་སྐྱོན་བརྗོད་བྱས་མཁན་དང་བོད་དོན་རྒྱབ་སྐྱོར་བྱས་མཁན་ཐོག་རྡོ་བཞུད་པ་དང་ཉེས་རྡུང་བཏང་བ་སོགས་འཚེ་བའི་ལས་ལ་འཇུག་པའི་དོན་རྐྱེན་བྱུང་བ་ལ་བརྟེན་ནས། ལྷོ་ཀོ་རིཡ་ཡིས་རྒྱ་ནག་གི་སློབ་ཕྲུག་ལྷོ་ཀོརེཡ་ནང་ཡོང་མཁན་ཚོར་ད་ནས་བཟུང་མཐོང་མཆན་སྤྲོད་ཕྱོགས་ཐད་དོ་དམ་དུ་གཏང་གནང་རྒྱུའི་འཆར་གཞི་ཡོད་སྐོར་ད་རིང་གསུངས་འདུག རྒྱ་ནག་གི་སློབ་ཕྲུག་ཚོས་རེས་གཟའ་ཉི་མའི་ཉིན་ལྷོ་ཀོརིཡ་ཡི་རྒྱལ་ས་་ སི་ཡོལ་་ ནང་༢༠༠༨་ལོའི་ཨོ་ལིམ་པིཀ་རྩེད་འགྲན་ལ་ངོ་རྒོལ་བྱེད་མཁན་དང་བོད་དོན་རྒྱབ་སྐྱོར་བ་ཚོའི་ཐོག་གང་བྱུང་རྡོ་གཞུས་པའི་གནས་ཚུལ་བྱུང་བ་དེར་ལྷོ་ཀོ་རི་ཡའི་ནང་མང་ཚོགས་ཀྱི་སེམས་ལ་ཕོག་ཐུགས་ཆེན་པོ་བྱུང་ཡོད་པ་རེད།།
