བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་ཡིག་ལ་ཨ་མི་རི་ཀའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་དགའ་བསུ་ཞུས་གནང་འདུག


2020.01.30
བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་ཡིག་ལ་ཨ་མི་རི་ཀའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་དགའ་བསུ་ཞུས་གནང་འདུག བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་ཡིག་ལ་ཨ་མི་རི་ཀའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་དགའ་བསུ་ཞུས་གནང་འདུག
འདྲ་བཤུས།

ཕྱི་ཟླ་ ༡ ཚེས་ ༣༠ཉིན་ཨ་མི་རི་ཀའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་ཡོངས་ཁྱབ་གསར་འགོད་གསལ་བསྒྲགས་ཤིག་སྤེལ་བའི་ནང་།  ལྷན་ཚོགས་དེའི་འགན་འཛིན་ཚོགས་མི་ Gary Bauer ལགས་ཀྱིས་རྒྱ་ནག་གཞུང་གིས་བོད་འདི་འཛམ་གླིང་ཕྱི་ཕྱོགས་དང་འབྲེལ་བ་བཅད་ཐབས་བྱེད་ཀྱི་ཡོད་ཀྱང་།  ཨ་མི་རི་ཀའི་གྲོས་ཚོགས་འོག་མས་བོད་དོན་སྲིད་བྱུས་དང་རྒྱབ་སྐྱོར་གྱི་ཁྲིམས་ཡིག་ལ་རྒྱབ་སྐྱོར་ཞུས་པ་འདིས། ཨ་རིས་བོད་མི་མང་གི་ཚབ་བྱེད་དེ་འཐབ་རྩོད་གནང་རྒྱུའི་འདུན་པ་མུ་འཐུད་གནས་ཡོད་པ་འདི་གསལ་པོ་གསལ་རྐྱང་སྟོན་པ་རེད་ཅེས་གསུངས་ཡོད་པ་རེད། ཁོང་གིས་ད་དུང་།  ཁྲིམས་ཡིག་འདི་ལ་གྲོས་ཚོགས་གོང་མས་ཀྱང་ལས་སླ་པོའི་ངང་རྒྱབ་སྐྱོར་གཏན་འབེབས་གནང་སྟེ།  སྲིད་འཛིན་མཆོག་གིས་མཚན་རྟགས་བཀོད་དེ་ཨ་མི་རི་ཀའི་སྲིད་གཞུང་ཀྱིས་ཁྲིམས་ཡིག་འབྲུ་དོན་ཡོངས་སུ་ནུས་ལྡན་ངང་ཕྱག་ལེན་དུ་འཁེལ་དགོས་པའི་འབོད་སྐུལ་ཞུ་གི་ཡོད་ཅེས་གསུངས་ཡོད་པ་རེད།

ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་རྒྱ་ནག་གནས་དོན་དབྱེ་ཞིབ་པ་འབུམ་རམས་པ་ Dominic J. Nardi ལགས་ཀྱིས་ཁྲིམས་ཡིག་འདི་ནི་བོད་མི་ཚོར་ཨ་མི་རི་ཀའི་རྒྱབ་སྐྱོར་གྱི་རྣམ་པ་ཤུགས་ཆེ་མཚོན་པའི་གནད་དགག་ཅན་གྱི་ཆབ་སྲིད་ཀྱི་ལངས་ཕྱོགས་ཤིག་ཆགས་པ་དང་།  ཁྲིམས་ཡིག་འདིས་རྒྱ་ནག་གཞུང་གིས་གལ་ཏེ་༧གོང་ས་ཏཱ་ལའི་བླ་མ་མཆོག་གི་༧སྐུའི་ཡང་སྲིད་ངོས་འཛིན་ཞུ་བའི་བརྒྱུད་རིམ་ཁྲོད་ཐེ་བྱུས་བྱེད་ཚེ།  ཨ་རིའི་གཞུང་གིས་དེའི་ཐོག་དཔལ་འབྱོར་དང་། ཚོང་དོན། ཐོངས་མཆན་ (visa) སོགས་བཀག་སྡོམ་གྱི་ཉེས་ཆད་གཅོད་རྒྱུའི་བདག་དབང་སྤྲོད་ཀྱི་ཡོད་རེད་ཅེས་ཨེ་ཤི་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ལ་འགྲེལ་བརྗོད་གནང་ཡོད་པ་རེད།

ཡང་ཨ་མི་རི་ཀའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་འགན་འཛིན་ཚོགས་མི་འབུམ་རམས་པ་བསྟན་འཛིན་རྡོ་རྗེ་ལགས་ཀྱིས་ཁྲིམས་ཡིག་འདོན་གནང་མཁན་དང་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་ལེགས་བསུ་ཞུས་འདུག  དེ་ཡང་ཁོང་གིས་གསུངས་དོན།  ང་ཚོས་ཨ་རིའི་གྲོས་ཚོགས་འོག་མའི་འཐུས་མི་ཇིམ་མེཀ་གྷཝརྞ་དང་གྲོས་ཚོགས་གོང་མའི་འཐུས་མི་མརྐོ་རུ་སྦི་ཡོ་རྣམ་གཉིས་ཀྱིས་གྲོས་ཚོགས་སུ་ཁྲིམས་གཞི་འདི་འདྲ་ཞིག་བསྣམས་པའི་གཟེངས་ཐོན་ཀྱི་ཐུགས་འཁུར་བཞེས་པ་དང་།  ཁྲིམས་ཡིག་འདིའི་ཐོག་འོས་བསྡུ་གནང་སྐབས་གྲོས་ཚོགས་གྱི་ཚོགས་རྭའི་སར་གྲོས་ཚོགས་ཀྱི་ཚོགས་གཙོ་ལྕམ་ནེན་སི་པེ་ལོ་སི་མཆོག་གིས་གསུང་བཤད་ཤུགས་དྲག་གནང་བ་དང་།  དེ་མཚུངས་ཀྱིས་གྲོས་ཚོགས་འཐུས་མི་ཡོངས་ཀྱི་ཁྲིམས་འཆར་འདིར་རྒྱབ་སྐྱོར་གནང་བར་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས་འདུག

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎