ནང་སོག་ཏུ་སོག་པོའི་འབྲོག་པ་དང་རྒྱ་མི་རིགས་བར་རྩོད་རྙོག་བྱུང་བ།


2017-06-10
Share
ནང་སོག་ཏུ་སོག་པོའི་འབྲོག་པ་དང་རྒྱ་མི་རིགས་བར་རྩོད་རྙོག་བྱུང་བ། ནང་སོག་ཏུ་སོག་པོིའི་འབྲོག་པ་དང་རྒྱ་མི་རིགས་དབར་རྩོད་རྙོག་བྱུང་སྟེ་སོག་པོ་འབྲོག་པ་ཁག་ཅིག་སྨན་ཁང་དུ་སྨན་བཅོས་བྱེད་དགོས་བྱུང་ཡོད་འདུག
ཨེ་ཤེ་ཡ་རང་དབང་རླུང་འཕྲིན་ཁང༌། རྒྱ་སྐད་སྡེ་ཚན།

༄༅། །ནང་སོག་ཏུ་སོག་པོིའི་འབྲོག་པ་དང་རྒྱ་ནག་ནས་ནང་སོག་ཏུ་རྟེན་གཞི་བྱེད་མཁན་གྱི་རྒྱ་མི་རིགས་ཚོའི་དབར་འབྲོག་སའི་ཐོག་རྩོད་རྙོག་བྱུང་སྟེ། སོག་པོ་འབྲོག་པ་ཁག་ཅིག་ལ་རྨས་སྐྱོན་ཕོག་ནས་སྨན་ཁང་དུ་སྨན་བཅོས་བྱེད་དགོས་བྱུང་ཡོད་འདུག ནང་སོག་མི་མང་གི་ཐོབ་ཐང་རྩོད་ལེན་གནང་མཁན་རྒྱ་ནག་གི་བཙོན་ཁང་ན་ལོ་ངོ་བཅུ་དགུ་བཞུགས་མྱོང་བའི་ཆབ་སྲིད་བཙོན་པ་ཟུར་པ་ཧའ་དའ་ཡིས།  རྒྱ་ནག་སྐམ་ས་ནས་ཡོང་བའི་རྒྱ་མི་རིགས་ཚོས་ནང་སོག་གི་ནང་རྟེན་གཞི་བྱས་པ་མ་ཟད། སོག་པོའི་འབྲོག་ས་བཙན་བཟུང་བྱས་པ་ནི་གང་སར་མཐོང་རྒྱུ་ཡོད་པ་དང་། དེས་རྐྱེན་པས་དྲག་ཟིང་གི་དོན་རྐྱེན་ཡང་རྒྱུན་དུ་ནས་ཡོད་མུས་ཡིན་ཞིང་།  ཡིན་ནའི་རྒྱ་ནག་གཞུང་གིས་སོག་པའི་འབྲོག་པའི་འཚོ་གནས་རིག་གཞུང་རྩ་མེད་གཏོང་རྒྱུའི་དམིགས་ཡུལ་འོག  རྩོད་རྙོག་དེ་རིགས་བྱུང་བའི་ཚེ་ག་དུས་ཡིན་ནའི་རྒྱ་མི་རིགས་ཚོར་རྒྱབ་སྐྱོར་བྱེད་ཀྱི་ཡོད་པ་དང་། ད་རེས་ཀྱི་གནས་ཚུལ་འདི་ཡང་དེ་ལྟར་རེད་ཅེས་འདི་ག་རླུང་འཕྲིན་ཁང་དུ་འགྲེལ་བརྗོད་གནང་འདུག
ད་རེས་ཕྱི་ཟླ་དྲུག་པའི་ཚེས་༧དང་ཚེས་༨ཉིན་ནང་སོག་གི་Xilin Gol ས་གནས་དང་  Chifeng གྲོང་ཁྱེར་གྱི་Bahrain Youqiས་གནས་སོ་སོའི་ནང་སོག་པའི་འབྲོག་པ་དང་ས་གནས་དེའི་ནང་གནས་སྤོས་རྟེན་གཞི་བྱེད་མཁན་གྱི་རྒྱ་མི་རིགས་ཚོའི་དབར་རྩ་རའི་བདག་དབང་གནད་དོན་གྱིས་རྐྱེན་པས་འཁྲུག་ཟིང་བྱུང་ཡོད་པ་དང་།  གནས་ཚུལ་མཐོང་མཁན་གྱི་ས་གནས་འབྲོག་པ་ཁག་ཅིག་གིས་རྒྱ་མི་རིགས་ཚོས་རྩ་ར་བཙན་བཟུང་བྱས་པའི་རྐྱེན་གྱིས་ས་གནས་འབྲོག་པ་ཚོ་དང་རྩོད་གླེང་བྱུང་ནས།  རྒྱ་ནག་མི་རིགས་ཚོས་ས་གནས་འབྲོག་པར་ཉེས་རྡུང་བཏང་སྟེ། ཕྱོགས་གཉིས་དབར་འཁྲུག་རྩོད་བྱུང་སྟེ་འབྲོག་པ་ཁག་ཅིག་ལ་རྨས་སྐྱོན་ཕོག་ནས་སྨན་ཁང་སྐྱལ་དགོས་བྱུང་ཡོད་པ་དང།   འབྲོག་པ་གཉིས་ལ་རྨས་སྐྱོན་ཚབས་ཆེ་ཕོག་ནས་སྨན་ཁང་དུ་ཡོད་མུས་ཡིན་པ་འདི་ག་རླུང་འཕྲིན་ཁང་དུ་འགྲེལ་བརྗོད་བྱས་འདུག  
ནང་སོག་གི་སོག་པོའི་མི་རིགས་ཁྱོན་ཡོངས་ཀྱི་གྲངས་འབོར་གྱི་རྒྱ་ཆ་ཉི་ཤུ་ལྷག་འབྲོག་པ་ཡིན་ཞིང་།  སོག་པའི་འབྲོག་པ་ཚོས་རྒྱ་མི་རིགས་ཚོས་འབྲོག་པའི་རྩ་རྭ་བཙན་བཟུང་བྱས་ནས་ས་གནས་འབྲོག་པ་ཚོའི་འཚོ་བརྟེན་ལ་དཀའ་ངལ་བཟོ་ཡི་ཡོད་པ་མ་ཟད།  ས་གནས་ཀྱི་ཁོར་ཡུག་དང་འབྲོག་པའི་སྲོལ་རྒྱུན་རིག་གནས་ལ་ཡང་གནོད་ཚབས་ཆེན་པོ་བཟོ་བཞིན་པའི་གནས་སྟངས་ཐོག་མི་འདོད་པའི་རྣམ་འགྱུར་བཏོན་མཁན་སོག་པའི་མི་རིགས་ཇེ་མང་དུ་འགྲོ་བཞིན་ཡོད་པ་རེད༎

གསར་འགོད་པ་འཆི་མེད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།