“уйғур хәлқ дастани чин төмүр батур” намлиқ китаб түркийидә нәшрдин чиқти

1991-Йили оттура асия түркий җумһурийәтлири мустәқил болғандин кейин, түркийә бу дөләтләр билән сиясий, иқтисадий, сода вә мәдәний-маарип җәһәттики мунасивәтлирини тәрәққий қилдурушқа әһмийәт беришкә башлиди.
Ихтиярий мухбиримиз әркин тарим
2012.03.29
Share on WhatsApp
Share on WhatsApp
chin-tomur-batur-305.jpg “уйғур хәлқ дастани чин төмүр батур” намлиқ китабниң муқависи. 2012-Йили март, түркийә.
RFA/Erkin Tarim

Буниң билән бирликтә түркийидә қериндаш түркий милләтләр һәққидики тәтқиқатларму көпийишкә башланди. Нурғун университетларда түрк дуняси тәтқиқат мәркәзлири, һазирқи заман түркий тиллири вә әдәбияти факултетлири ечилип қериндаш милләтләрниң тили, әдәбияти, тарихи вә мәдәнийитини өгитиш вә өгинишкә алаһидә әһмийәт берилди. Шуниң билән түркийидә уйғур тили, әдәбияти, тарихи вә уйғур еғиз әдәбияти һәққидики тәтқиқатларму көпәйди.

Түркийидә кейинки 20 йил ичидә уйғурлар тоғрисида 15 әтрапида китаб, көп санда мақалә йезилған. Буларниң көпи уйғур еғиз әдәбиятиға аит болуп, буларниң бири уйғур хәлқ дастанлиридин “чин төмүр батур дастани” дур. Бу дастан йеқинда түркийиниң измир шәһиридики әгәтан нәшрияти тәрипидин нәшр қилинди. Китабни әслидә бейҗиң мәркизий милләтләр университети уйғур тили вә әдәбияти факултети оқутқучиси абдулһәким мәһмәт әпәнди магистирлиқ илмий мақалиси қилип тәйярлиған.

223 Бәтлик “уйғур хәлқ дастани чин төмүр батур” намлиқ китабта мәзкур дастан башқа қериндаш милләтләрниң дастанлири билән селиштуруп тәтқиқ қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.