"Uyghur xelq dastani chin tömür batur" namliq kitab türkiyide neshrdin chiqti

1991-Yili ottura asiya türkiy jumhuriyetliri musteqil bolghandin kéyin, türkiye bu döletler bilen siyasiy, iqtisadiy, soda we medeniy-ma'arip jehettiki munasiwetlirini tereqqiy qildurushqa ehmiyet bérishke bashlidi.
Ixtiyariy muxbirimiz erkin tarim
2012-03-29
Élxet
Pikir
Share
Print
"Uyghur xelq dastani chin tömür batur" namliq kitabning muqawisi. 2012-Yili mart, türkiye.
"Uyghur xelq dastani chin tömür batur" namliq kitabning muqawisi. 2012-Yili mart, türkiye.
RFA/Erkin Tarim

Buning bilen birlikte türkiyide qérindash türkiy milletler heqqidiki tetqiqatlarmu köpiyishke bashlandi. Nurghun uniwérsitétlarda türk dunyasi tetqiqat merkezliri, hazirqi zaman türkiy tilliri we edebiyati fakultétliri échilip qérindash milletlerning tili, edebiyati, tarixi we medeniyitini ögitish we öginishke alahide ehmiyet bérildi. Shuning bilen türkiyide Uyghur tili, edebiyati, tarixi we Uyghur éghiz edebiyati heqqidiki tetqiqatlarmu köpeydi.

Türkiyide kéyinki 20 yil ichide Uyghurlar toghrisida 15 etrapida kitab, köp sanda maqale yézilghan. Bularning köpi Uyghur éghiz edebiyatigha a'it bolup, bularning biri Uyghur xelq dastanliridin "Chin tömür batur dastani" dur. Bu dastan yéqinda türkiyining izmir shehiridiki egetan neshriyati teripidin neshr qilindi. Kitabni eslide béyjing merkiziy milletler uniwérsitéti Uyghur tili we edebiyati fakultéti oqutquchisi abdulhekim mehmet ependi magistirliq ilmiy maqalisi qilip teyyarlighan.

223 Betlik "Uyghur xelq dastani chin tömür batur" namliq kitabta mezkur dastan bashqa qérindash milletlerning dastanliri bilen sélishturup tetqiq qilin'ghan.

Toluq bet