«گوللاندچە-ئۇيغۇرچە لۇغەت» گوللاندىيە خەلق كۇتۇپخانىسىغا قويۇلدى
2011.03.08
تۇنجى نەشر قىلىنغان «گوللاندچە-ئۇيغۇرچە لۇغەت» مۇناسىۋىتى بىلەن 2011-يىلى 7-مارت ئامىستېردامدا پائالىيەت ئېلىپ بېرىلدى.
پائالىيەتكە ئامىستېردام شەھەرلىك خەلق كۇتۇپخانىسى مەسئۇلى ئاننارەي بۇرېما (Annarij Boerema)، گوللاندىيە ئۇيغۇرلارغا ياردەم بېرىش گۇرۇپپىسىنىڭ قۇرغۇچىسى گوللاندىيە سپ پارتىيىسىنىڭ پارلامېنت ئەزاسى خارىي فان بوممىل (Harry Fan Bommel) ئەپەندى، تۈرك ئوقۇغۇچىلار ئۇيۇشمىسى TASA دىن گۆكخان، گېرمانىيىدىكى موڭغۇل خەلق پارتىيىسى ۋەكىلى تېمشىلتۇ (Temshiltu)، گوللاندىيىدىكى خەلقئارا ۋاكالەتسىز مىللەتلەر تەشكىلاتىدىن كارولىنا بېرەۋن (Carolina de Bruijn) ۋە گوللاندىيە ئۇيغۇر بىرلىكى تەشكىلاتىدىن بەختىيار ناسىر ۋە غەيرەتجان روزى قاتارلىق خانىم-ئەپەندىلەر قاتناشتى.
كىتاب ئاپتورىنىڭ مۇراسىمغا قاتنىشالمىغانلىقى ھەققىدە تۈرلۈك مۇنازىرىلەر قىلىنىپ، ئۇيغۇرلار نۆۋەتتە دۇچ كېلىۋاتقان تەھدىتلەرنىڭ ئىنتايىن مۇرەككەپ ۋە كۆپ خىللىقى سۆھبەتتە ئاساسىي تېمىغا ئايلاندى.
گوللاندچە-ئۇيغۇرچە تۇنجى نەشر قىلىنغان بۇ لۇغەت گوللاندىيە خەلق كۇتۇپخانىسىغا قويۇلدى. بىر سائەت داۋام قىلغان بۇ پائالىيەتتە گوللاندىيە ئۇيغۇر بىرلىكى تەشكىلات رەھبەرلىرى گوللاندىيىدىكى ئۇيغۇرلارغا ۋاكالىتەن پائالىيەت تەشكىللىگۈچى ۋە ئۇيغۇرلارغا ياردەم بەرگۈچى شەخس ۋە ئورگانلارغا مۇكاپات شەكلىدە سوۋغات بۇيۇملىرى تەقدىم قىلىپ، بۇندىن كېيىنكى ياردەملىرى ئۈچۈن ئاساس سالدى.
كۆپ كۆرۈلگەن خەۋەرلەر
RFA
- خىتاي دائىرىلىرىنىڭ ئۇيغۇر دىيارىدا چەت ئەل ئەپلىرىنى چەكلەش ئاگاھلاندۇرۇشى نېمىنىڭ بېشارىتى؟
- ئۇيغۇر ئېلىدا ئىككى خىل ھېيت مەنزىرىسى: دائىرىلەر سۇناينىڭ غېمىدە، ئاھالىلەر كاناينىڭ
- روشەن ئابباس: ئۇيغۇرلارنىڭ مەسىلىسى پۈتۈن ئىنسانىيەتنىڭ مەسىلىسىدۇر
- زۇمرەتئاي ئەركىن خان جەمەتى چېركاۋىدا ئۇيغۇر ئىرقىي قىرغىنچىلىقىنى تونۇشتۇرغان
- زۇمرەتئاي ئەركىن روزۋېلت ئەركىنلىك مۇكاپاتىنى تاپشۇرۇۋالدى