'Islamda kishilik hoquq' namliq kitab neshirdin chiqti

Türkiyining istanbul shehiridiki teklimakan uyghur neshriyati teripidin neshir qilinghan "islamda kishilik hoquq" dégen kitabning muqawa körünüshi.

Bu kitap bir muqeddime ikki bab we bir xatimidin terkip tapqan bolup, her bir bab bir qanche bölümge ayrilghan. Kitabning birinchi babi, kishilik hoquqning eng muhim amilliri, kishilik hoquq tarixi we kishilik hoquqning asasi prinsiplirini öz ichige alghan.

Ikkinchi babi bolsa, kishilik hoquq mesilisining asasi we siyasiy amilliri, a'ile qanuni, telim ‏- terbiye qanuni, ish we kapaletlik qilish qanuni, mal ‏- mülük qanuni, puqraliq qanuni, köchmenlik qanuni we xelq'ara qanunlarni shundaqla fransiye kishilik hoquq xitabnamisi, dunya kishilik hoquq xitabnamisi, xelq'ara islam kishilik hoquq xitapnamisini öz ichige alghan.

Kitabta yene islam dinining kishilik hoquq nezeriye we emeliy pozitsiyining asasi prinsipliri otturigha qoyulghan bolup, tarixiy noqtinezerdin, qedimki dewrge a'it kishilik hoquq mesilisini körsitip bérish, yawrupa we islam dunyasida qedimdin tartip bügünki kün'giche bolghan barliq kishilik hoquq mesilisige nezer tashlash.

Kishilik hoquqqa dexli ‏- teruz qilghan barliq amillarni bilish, uning otturigha qoyghan meqset ‏- ghayilirini izahlash, sheri'et we qanunning delillirini, her türlük kélishimler, bayannamiler we kishilik hoquq toghrisida tüzülgen shertnamilerni chüshinish. Insaniy qanunlar bilen islam qanunini, feqihi mezhepler bilen her türlük pikir éqimlirini we xelq'araliq resmiy qanunlarni sélishturush noqti'iyneziriyisi.

Kishilik hoquq toghrisida sheri'et metinler we feqihi kitablardin élin'ghan melumatlarni we pikirlerni, qanuniy maddilarni, kélishme we bayannamilerning ibarilirini, alimlar, qanunshunaslar we mutepekkurlarning kishilik hoquq toghrisidiki doklatliridin delil ‏- pakit keltürüshni öz ichige alghan.

399 Betlik bu kitabning axirida kishilik hoquq toghrisidiki xelq'araliq we islam dinidiki bayannamiler, nezeriye we emeliyet jehettiki kishilik hoquqqa kapaletlik qilish we uning jazalirini öz ichige alghan.

Biz, bu kitabning tehrirlik xizmitini ötigen teklimakan Uyghur neshriyatining mes'uli abdujélil turan ependi bilen bu kitap heqqide söhbet élip barduq.

Yuqiridiki awaz ulinishdin, bu heqtiki söhbitimizning tepsilatini anglaysiz.