Төрәлмишунаслиқ мутәхәссиси йәһудий алим роберт гилһимниң мусулман болуш сәвәби

Төрәлмишунаслиқ илминиң мутәхәссиси роберт гилһим еридин талақ қилинған аялниң иддити тоғрилиқ кәлгән қуран кәрим айити сәвәблик иман ейтип өзиниң ислам диниға киргәнликини елан қилған.
Ихтиярий мухбиримиз өмәрҗан
2012.08.30
Share on WhatsApp
Share on WhatsApp
Qeshqer-uyg-ayallar-matem-305 4 - Авғуст күнидики һуҗумда өлтүрүлгән 16 хитай қораллиқ сақчи хадимлириниң матәм мурасимға қатнишиватқан уйғур айаллириниң матәм мәйданиға йиғиливатқан көрүнүши. 2000 Ға йеқин уйғурларму матәм мурасимиға қатнашқан болуп, бир нәччә кишиләр AFP мухбириға өзлириниң матәмгә буйруқ билән қатнишиватқанлиқини ейтқан.
AFP Photo

Алим роберт гилһим нәччә он йиллиқ өмрини әрниң аялда қалдуридиған изи һәққидики илмий тәтқиқатқа беғишлиған болуп, әрниң аялдики изи аял еридин айрилип 3айдин кейин толуқ йоқилип болидиғанлиқини дуняда тунҗи қетим елан қилған.

Мисирда чиқидиған “мисирлиқлар” гезити мисир теббий анализ мәркизиниң устази доктор абдулбасит муһәммәд сәййидниң муну баянатини елан қилған:
“алим роберт гилһим албирт еништейн институтиниң төрәлмишунаслиқ мутәхәссиси болуп, қуран кәриминиң талақ қилинған аялниң 3 ай иддәт тутуши лазимлиқи һәққидики бәлгилимисини билиш билән тәң өзиниң мусулман болғанлиқини елан қилди. Қуран кәримидә ‛талақ қилинған аяллар үч һәйз өткүчә иддәт тутиду‚ дәп көрситилгән.

Бу алимни қайил қилған илмий һәқиқәт шуки, әр билән аялниң бир төшәктә болуши җәрянида аялда әрниң мәхсус изи қалидикән. Әр-аял йеқинчилиқ қилмиған һәр айда бу из йоқилишқа қарап йол алидикән вә һәр айда 25 яки 30 пирсәнткичә йоқилип берип, ахири 3 айда толуқ йоқилип болидикән, аялму башқа бир әр билән биргә болушқа мунасип һалға келидикән.

Алим роберт гилһим бу һәқиқәтни билгинидин кейин, африқилиқ мусулманлар үстидә тәтқиқат елип берип, һәр бир мусулман аялда пәқәт өзиниң ериниңла изи барлиқини испатлап чиққан. Андин башқа районлардики мусулман әмәс аяллар үстидә тәтқиқат елип барғандин кейин, һәр бир аялда иккидин үчкичә әрниң изи барлиқини вә бундақ болушниң сәвәби бу аялларниң өз әрлиридин башқа әрләр биләнму биргә болидиғанлиқидин икәнликини испатлап чиққан. Һәтта бу алим, өзиниң аяли үстидә елип барған тәтқиқат нәтиҗисидә, аялида үч әрниң изи тепилған. Ахири аялиниң етирап қилиши билән, аялиниң еригә хиянәт қилидиғанлиқи вә балилиридин бир оғлидин башқа һечқайсисиниң еригә аит әмәслики оттуриға чиққан. Шуниңдин кейин, алим роберт гилһим ислам дининиң аялниң иппитини сақлаш, җәмийәтниң саплиқини қоғдаштиму әң илғар дин икәнликини вә мусулман аялларниң йәр йүзидики аялларниң әң пакизи икәнликини җакарлиған.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.