Қазақистандики уйғур тиятири йеңи мәвсүмини “анархан” драмиси билән башлиди
2012.10.30
Җалал асимоф вә абдулһәй садироф язған мәзкур драмини “қурмет” ордениниң саһиби, талантлиқ режиссор муһитҗан һезимоф сәһниләштүргән болуп, уни қоюшқа болупму яш артислар җәлп қилинған иди. Мәвсүмниң ечилиш мурасимида сөз алған мәзкур тиятир мудири савутҗан сонуроф уйғур сәнитиниң очиқи болған тиятирниң өз тамашибинлири үчүн яхши тәйярланғанлиқини һәм сәнәтхумар тамашибинлириниң буниңдин кейинму көпийидиғанлиқини үмид қилидиғанлиқини билдүрди.
Шуни алаһидә тәкитләш керәкки, уйғур тиятири “анархан” драмисини қоюшта дайим тамашибинлириниң көңлидин чиқип кәлгән һәм бу дайим алаһидә тәкитлинип кәлгән иди. Бу қетимқи қоюлушқа, болупму яшларниң көпрәк кәлгәнликини ейтиш керәк. Әнә шу яшлар “анархан” классик әсәрини қандақ қобул қилди һәм бүгүнки заманда униң әһмийитини қандақ чүшиниду?
Радиомиз зияритини қобул қилған алмата вилайити талғир наһийисиниң турғуни халминәм мәсимова бу һәқтә өз қарашлирини билдүрди.