Roza we yardemsoyerlik

Musulmanlargha her yili bir kélidighan roza tutush ibaditi bashlandi.
Ixtiyariy muxbirimiz ömerjan
2011.08.02
Share on WhatsApp
Share on WhatsApp
Heytgah-Namaz-305.jpg Héytgah meschitide namaz oquwatqan uyghurlar.
AFP Photo

Se'udi erebistanining mekke mukerremde shehiride turushluq yash alimlardin abdulhelim bu heqtiki söhbitimizni qobul qildi we roza tutush ibaditining bashqilargha yardem qilish we özining nepsini kontrol qilishni öginish meqset qilin'ghan bir ibadet ikenliki, roza tutqan ademning yardemsöyerlikni öginidighanliqini bildürdi.

Abdulhelim hajim: roza bashqilargha yardem qilishni ögitidighan ibadet

Abdulhelim hajim rozining ademge bashqilargha yardem qilishni, yoqsullarning haligha yétishni ögitidighan ibadet ikenlikini bayan qilip mundaq dédi: roza tutushning ijtima'iy paydilirimu bolup, roza tutqan kishi kündilik yémek- ichmeklirini teyyarlashqa qadir bolalmighan bicharilerning, yétim-yésir we yoqsullarning halini chüshinidu. Chünki achliqning derdini tartmighan kishi achliqning néme ikenlikini bilmeydu. U özi toq yürgenliktin, hemme kishini özige oxshash toq hés qilidu. Eger roza tutup achliqning azabini tartip körse, bu waqitta künlük ozuqini tapalmighan bicharilerning halini chüshinidu-de, ularning halliridin xewer élip, yardem qilishni özi üchün insaniy burch dep bilidu.

Abdulhelim hajim rozining rehimdilliqni ögitidighanliqini bildürüp mundaq dédi: birawning heqiqiy musulmanliqining ipadisi uning qelbining yumshaq bolushi, özinila oylimastin bashqilarnimu oylishi, méhir- shepqetlik bolushi we kishilerge köyümchan bölishidur. Allata'ala nahayiti shepqetlik bolup, u peqet shepqetlik kishilergila rehim- shepqet qilidu. Peyghember eleyhissalam bu heqte mundaq dégen”shepqetlik kishilerge allata'ala rehim qilidu, yer yüzidiki kishilerge rehim-shepqet qilinglar, silerge asmandiki zat (allata'ala) rehim qilidu. “Yüsüp eleyhissalam misirning xezinisige mes'ul bolghan waqitlarda rozini köp tutidiken. U bu heqte soralghinida” men toq yürsem, péqirlarning achliqini untup qélishimdin qorqimen“Dégen iken.

Abdulhelim hajim: roza iradini kücheytidighan ay

Abdulhelim hajim yene mundaq dédi: ramzan éyi iradini kücheytish we sewrchanliqni öginish üchünmu eng yaxshi pursettur. Roza tutqan kishi aldida yémek- ichmek teyyar turup achliqqa we ussuzluqqa berdashliq béridu. Uni yéyish, ichish we ayaligha yéqinchiliq qilishtin peqet uning wijdani tosup turidu. Chünki uning yénida nazaret qilidighan allata'ala bilen wijdanidin bashqa héchbir nazaretchi yoqtur. Shunga gérmaniyilik psixologiye bir doktori “Iradini tiklesh we küchlendürüshning amilliri” namliq kitabida “Iradini kücheytish üchün eng yaxshi amil roza tutushtur” dégen.

Peyghember eleyhissalam ramzanning kishige sewr tügitidighanliqi toghriliq “Roza tutush sewrning yérimidur” dégen. Chünki insanda üch xil küch bar bolup, ularning birinchisi, nepsi hewes küchi. Ikkinchisi, yirtquch haywanlarda bolidighan ghezep küchi. Üchinchisi, perishtilerde bolghandek rohiy küchtur.

Insanning rohiy küchi yuqiriqi ikki küchni bésip öteligende u yérim sebrini hasil qilghan bolidu. Ramzanda musulman kishi nepsi hewisini we ghezipini rozining yüzisidin terk étidu. Mana bu, sewrning yérimini hasil qilghanliq. Öz nepsining heweslirini yéngelmigen kishi؛ dunyaning qiyinchiliqlirini yéngelmeydu. Bérer künlük achliqqa chidimighan kishi؛ ulugh nishanlarni emelge ashurushqimu chidiyalmaydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.