Enqerede türkiy milletler noruz bayrimini tentenilik ötküzdi

Tarixiy menbelerge qarighanda noruz bayrimini Uyghurlar miladidin burun 8-esirdin béri qutlap kelmekte iken. Burun yéngi kün dep atalghan noruz, Uyghurlar iran medeniyiti bilen uchrashqandin kéyin noruz dep atilishqa bashlan'ghan. Bu bayram bügün türkiyining enqere, istanbul, izmir we adanagha oxshash sheherliride tentenilik ötküzüldi. Bu pa'aliyetlerge dunyaning herqaysi jayliridin türkiyige kelgen qérindash türkiy milletlerdin sen'etchiler qatnashti. Uyghurlar tunji qétim türk dunyasi noruz pa'aliyitige qatnashti.

21-Mart sa'et 11 de enqere resim heykel muzéyining zalida ötküzülgen noruz bayrimi pa'aliyitige türkiye medeniyet ministiri ertughrul günay, ottura asiya türkiy jumhuriyetlirining enqerede turushluq elchiliri we 15 dölettin kelgen sen'etchiler qatnashti. Aldi bilen türkiye medeniyet ministiri ertughrul günay échilish nutqi qilip türk dunyasining shundaqla pütün dunya xelqining noruz bayrimini qutlidi.

RFA/Erkin Tarim

U herqaysi dölettin kelgen sen'etchilerni tonushturup kélip, bu yilqi noruz bayrimimizgha xitay sen'etchiler we Uyghur sen'etchilermu qatnashti,‏ dep Uyghurlarni ayrim tilgha aldi. Qazaq, qirghiz, özbék, türkmen, tuwa sen'etchiliridin kéyin Uyghur sen'etchiler meshrep namliq oyunini körsetti. Tamashibinlar bu oyunni öre turup uzun chawak chélip alqishlidi.

Enqeredin bashqa istanbul, izmir we qeyseridimu ötküzülgen noruz pa'aliyitige Uyghurlarmu qatnashti. Biz noruz bayrimi we bu yilqi noruz pa'aliyetliri heqqide tepsiliy melumat élish üchün bu pa'aliyetlerge qatnashqan Uyghurlargha mikrofonimizni uzattuq.