Waqitni téjeshning 20 usuli

Kuwéytta chiqidighan "El mujteme" zhurnilida "Waqitni téjeshning 20 usuli" dégen témida bir maqale élan qilin'ghan.
Ixtiyariy muxbirimiz ömerjan
2012-10-19
Élxet
Pikir
Share
Print

Maqalide mundaq dep yézilghan:
1. Eqlingizni eng menpe'etlik ishlargha serp qiling. Chünki insan eqlini toghra yollargha serp qilghinida, u özining yürüsh- turushini we sulukini tizginleshte tayinidighan eng küchlük we eng ehmiyetlik bir asasqa ige bolghan bolidu.
2. Waqitni serp qilishta özingizdin hésab élishni biling. Her waqit özingizdin "Men waqtimni rastinila toghra yosunda we paydiliq ishlargha serp qiliwatimenmu? waqitni téjeshni biliwatimenmu?" dégen so'allarni sorap turung.
3. Bügüningizni tünügündin ewzel hem paydiliq qiling.
4. Qolgha kelgen pursetlerdin paydilinishni biling. Pursetni gheniymet biling. Insan'gha hayatida ikki xil purset kélidu. Biri teyyar uchrap qalghan purset, yene biri, siz ijad qilidighan purset. Emma shu éniqki, pursetler nahayiti tiz ötüp kétidu we saqlashni zadi bilmeydu. Epsuski, bu pursetler ketkendimu qayta kelmeske kétip qalidu.
5. Ishta jiddiy bolung. Bezi kishiler jiddiy bolushni kéche-kündüz yéngini türgen halda, alaqzadilik bilen turush dep chüshiniwalidu. Epsuski undaq qilish jiddiylik emes.
6. Chidamliq we sewrlik bolung. Chünki tejribilerni dawamlashturushqa chidamliq bolush we japagha chidap, toxtimastin ishlesh ghelibining sirliridin biridur.
7. Tejribilerni xatirilep saqlang. Chünki hayatliqtin alghan öz tejribiliringizni we bashqilarning tejribilirini xatirilep saqlash ghelibining yollirini ögitidu.
8. Waqtingizni ching tutung. Bir hediste: " Ömrüngni pul-mélingni ching tutqandinmu bek ching tutqin"dep kelgen.
9. Bashlighan ishingizni axirigha chiqarmastin boldi qilmang.
10. Mol hosul bérish yolliringizni tereqqiy qildurup turung.
11. Meghlubiyetni ghelibining yoli qiliwéling.
12. Eng yaman shara'itlardimu waqitni téjeshni qoldin bermeng. Chünki adettiki shara'itlarda her kim waqtini téjep ish qilalaydu. Emma yaman shara'itlarda waqit xuddi sudek éqip kétidu.
13. Her ishta aldi bilen özingizge tayining. Chünki özige tayinish ademning ichidiki zapas énérgiyini partlitip sirtqa chiqiridu.
14. Bashqilardin yardem sorashni sel chaghlimang. Chünki insan qanchilik mukemmel bolup ketken teqdirdimu yenila u bashqilarning yardimige mohtaj bolidu. Bashqilarni hemkarliqqa chaqirish dégen mes'uliyettin qéchish menisige kelmeydu. Belki ularning tejribisidin paydilish menisige kélidu.
15. Tirishing, ijtihat qiling, ümidsiz bolmang.
16. Himmitingiz bilen uchungki, hurunluq bilen uxlimang. Bir hediste:" Adem himmiti bilen, qushlar ikki qaniti bilen uchidu"dep kelgen.
17. Ishni qétirqinip tiz qilishni adet qiliwéling.
18. Bergen wedige wapa qiling. Chünki wedide turmasliq, wedileshken jaygha barmasliq qarshi terepning qimmetlik waqtini oghrilighanliqtur.
19. Kélechekke ümid bilen qarang. Ghelibe qilish üchün munu üch nersini untumasliq lazim: ötmüshtin ibret élish, hazirni gheniymet bilish we kélechekke ümid bilen béqish.
20. Yaxshi ishlarni wujudqa chiqirish yolida bashqilar bilen beslishing. Unutmangki, beslishish peqet waqit bilen bolidu.

Toluq bet