Amérikida 11-séntebir weqesining 12 yilliqi xatirilendi

Muxbirimiz irade
2013-09-11
Share

Amérikida bügün 11-séntebir weqesining 12 yilliq xatire küni paytext washin'gton, nyuyork we pénsilwaniye shtatida murasim bilen xatirilendi. 11-Séntebir küni elqa'ide térror teshkilati sadir qilghan hujumda 3000 din artuq kishi hayatidin ayrilghan idi.

Bügün etigen aqsarayda ötküzülgen xatirilesh murasimida, eyni chaghda nyuyork shehiridiki dunya tijaret merkizining qoshmaq binalirigha ayropilan bilen hujum qilin'ghan waqit bilen oxshash waqitta yeni etigen sa'et 8:35 minut ötkende hayatidin ayrilghanlarning rohi üchün matem tutulup, teziye bildürüldi. Amérika prézidénti barak obama yene, amérikining 5 burjeklik binasi pentagon'gha qilin'ghan hujum jeryanida hayatidin ayrilghanlarning a'ile-tawabi'atliri bilen bir arigha keldi we "Kélechiki qolidin tartiwélin'ghan bu kishilirimizning hesriti hélihem yürikimizde" dédi.

11-Séntebir weqesi amérikining we shundaqla dunyaning siyasitide zor dawalghush hasil qilghan idi. Uyghur közetküchiler 11-séntebir weqesining tesirige eng éghir uchrighanlarning birining Uyghurlar ikenlikini ilgiri süridu. Chünki xitay hökümiti 11-séntebirdin kéyin qozghalghan térrorluqqa qarshi küreshni bahane qilip turup, Uyghurlargha qaritilghan basturushni kücheytip, Uyghurlarning kishilik hoquq pa'aliyetlirini térrorluq katégoriyesige kirgüzüp bir terep qilishqa urunup kelgen.

Tünügün amérika Uyghur birleshmisi bu heqte élan qilghan bayanatida, xitay hökümitini 11-séntebirni bahane qilip turup, Uyghurlar üstidin dölet térrori yürgüzüsh bilen eyiblidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet