Америка вә японийә һөкүмәтлири шималий корейәгә иқтисадий җаза қоюшқа келишкән

Мухбиримиз җүмә
2017-05-27
Share

Ақсарайниң баянатиға қариғанда, америка вә японийә даирилири шималий корейәниң ядро қораллири тәтқиқати вә башқурулидиған бомба синақлирини үзлүксиз елип барғанлиқиға қарши уларға йәнә бир қатар иқтисадий җаза қоюшқа келишкән.

Ақсарай җүмә күни елан қилған баянатта мундақ дейилди: "президент трамп вә баш вәзир шинзо абе шималий корейәгә қаритилған иқтисадий җазани күчәйтиш мәсилисидә өзара һәмкарлишишқа келишти. Булар шималий корейәниң башқурулидиған бомба вә ядур программилириға ярдәмдә болуватқан иқтисадий гәвдиләрни байқаш вә уларни иқтисадий җазалаш қатарлиқларни өз ичигә алиду."

Баянатта көрситишичә, улар америка-японийә иттипақлиқини техиму күчәйтип, өз дөләтлириниң шималий корейәдин келидиған тәһдитләргә тақабил туруш иқтидарини илгири сүрүш мәсилиси һәққидиму келишкән.

Шималий корейәниң башқурулидиған бомба вә ядур тәһдитиди барғанчә күчәйгәндин кейин, америка өзиниң әң илғар башқурулидиған бомба қалқан системиси "юқири бошлуқ һава мудапиә терминали"-"THAAD" ни җәнубий корейәгә йөткигән.

Японийәму шималий корейәдин келидиған бомба тәһдитигә сәзгүр муамилә қилип келиватқан иди.

Японийә өткән ай япон деңизида америка билән бирлишип бир һәрбий маневир өткүзгән. Маневирға японийәниң уруш парахотлири вә америкиниң ядур маторлуқ карл винсон намлиқ авиаматкиси қатнашқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт