Antoni bilinkin: amérika sherqiy jenubiy asiya elliri bilen birlikte xitayning bésimigha taqabil turidu

Roytérs agéntliqining 29-yanwar xewer qilishiche, amérika tashqi ishlar ministirliqining yéngidin teyinlen'gen ministiri antoni bilinkin charshenbe küni söz qilip, amérikaning jenubiy asiya elliri bilen birlikte xitayning jenubiy déngizdiki kéngeymichilikige taqabil turidighanliqini bildürgen.

Antoni bilinkin filippin tashqi ishlar ministiri bilen téléfonda körüshkende yuqiriqi sözni qilghan bolup, amérika bilen filippinning uzaq muddetlik hemkarliq kélishimining muhimliqini tekitligen.

Xewerde bildürülüshiche, korona wirusi yamrap ketken weziyettin paydilan'ghan xitay hökümiti filippin qatarliq döletlerge tehdit salidighan qararlarni chiqarghan, amérika buni eyibligen. Xitay yene seyshenbe küni bu hepte jenubi déngizda herbiy manéwir ötküzidighanliqini jakarlighan.

Bu hepte tashqi ishlar ministiri bolup xizmetke chüshken antoni bilinkin xitayning jenubiy déngizdiki kéngeymchiliki we ighwagerlikige qarshi turidighanliqini tekitligen hemde xitayni xelq'ara qanun'gha ri'aye qilishqa chaqirghan.