Ақ сарай: обаманиң далай ламаға болған һөрмитидә һечқандақ өзгириш болмиди

Хитай һөкүмити баянат елан қилип, далай ламаниң вашингтонда президент обама билән тилавәт наштилиқида җәм болғанлиқиға йәнә наразилиқ билдүрди.

Хитай ташқи ишлар министирлиқи баянатчиси хоң лей җүмә күни йәнә агаһландуруп, "биз чәтәл һөкүмәтлириниң тибәткә алақидар мәсилиләрни баһанә қилип, җуңгониң ички ишлириға арилишишиға қарши туримиз. Далай ламаниң чәтәл рәһбәрлириниң қоллишиға тайинип, сиясий өмрини узартиш тиришчанлиқи әмәлгә ашмайду" дегән.

Президент обама пәйшәнбә күни тилавәт наштилиқида далай лама билән йүз туранә учрашмиған болсиму, бирақ у сөзидә далай ламани махтап, "у бизниң инсан қәдр-қиммити вә әркинликини қоғдишимизға илһам бериватиду" дегән иди.

Хоң лей җүмә күнки ахбарат йиғинида далай ламани "узун йиллардин буян диний ниқаб астида җуңго қарши бөлгүнчилик паалийити елип бериватқан сиясий сәргәрдан" дәп тәнқид қилған.

Буниңдин бир күн аввал ақ сарай баянат елан қилип хитай қарши турғанлиқи үчүн президент обаманиң далай ламаға болған һөрмити өзгирип қалмайдиғанлиқини билдүргән иди.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар