Ават наһийисидә пут - еғиз яллуғи кесәллики байқилип, 240 қа йеқин кала өлтүрүлгән

Мухбиримиз әркин
2013.05.08
Share on WhatsApp
Share on WhatsApp

Хитай йеза игилик министирлиқиниң сәйшәнбә күни ашкарилишичә, уйғур елиниң ават наһийисидики бир қисим калиларда пут - еғиз вируси кесәллики (ақсил кесәллики) байқилип, 239 туяқ кала дәрһал өлтүрүп ташланған.

2 - Май күни, ават наһийилик сәһийә тармақлири мәзкур наһийиидики 16 туяқ калида бу хил кесәлик аламитини байқап, мунасивәтлик органларға мәлум қилған. Хитай йеза игилик министирлиқиниң билдүрүшичә, хитай дөләтлик пут - еғиз кесәллики тәҗрибиханиси сәйшәнбә күни ават наһийисидә байқалған кесәлликниң пут - еғиз вируси икәнликини муқимлаштурған.

Хитай ахбарат вастилириниң хәвәрлиридә, кесәлликниң ават наһийисигә қарашлиқ қайси районларда байқалғанлиқи тилға елинмиған болсиму, бирақ даириләр кесәллик байқалған җайниң дәрһал карантинға елинип, 239 туяқ калиниң өлтүрүп бир тәрәп қилинғанлиқини билдүргән. Пут - еғиз кесәллики бир хил юқумлуқ вирус болуп, ача туяқлиқ һайванларда көрүлидиған әҗәллик кесәллик.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт