Awat nahiyiside put - éghiz yallughi késelliki bayqilip, 240 qa yéqin kala öltürülgen

Xitay yéza igilik ministirliqining seyshenbe küni ashkarilishiche, Uyghur élining awat nahiyisidiki bir qisim kalilarda put - éghiz wirusi késelliki (aqsil késelliki) bayqilip, 239 tuyaq kala derhal öltürüp tashlan'ghan.

2 - May küni, awat nahiyilik sehiye tarmaqliri mezkur nahiyi'idiki 16 tuyaq kalida bu xil késelik alamitini bayqap, munasiwetlik organlargha melum qilghan. Xitay yéza igilik ministirliqining bildürüshiche, xitay döletlik put - éghiz késelliki tejribixanisi seyshenbe küni awat nahiyiside bayqalghan késellikning put - éghiz wirusi ikenlikini muqimlashturghan.

Xitay axbarat wastilirining xewerliride, késellikning awat nahiyisige qarashliq qaysi rayonlarda bayqalghanliqi tilgha élinmighan bolsimu, biraq da'iriler késellik bayqalghan jayning derhal karantin'gha élinip, 239 tuyaq kalining öltürüp bir terep qilin'ghanliqini bildürgen. Put - éghiz késelliki bir xil yuqumluq wirus bolup, acha tuyaqliq haywanlarda körülidighan ejellik késellik.